17:04, 09 - تامىز 2021 | GMT +5
سينگاپۋردە الەمدەگى ەڭ كىشكەنتاي نارەستە اۋرۋحانادان شىعارىلدى
نۇر- سۇلتان. قازاقپارات - سينگاپۋرلىق دارىگەرلەر الەمدەگى ەڭ كىشكەنتاي جاڭا تۋعان نارەستەنى اۋرۋحانادان شىعاردى. قىز بالا دۇنيەگە كەلگەننەن بەرى 13 اي اۋرۋحانادا جاتقان.
بۇل تۋرالى BBC حابارلادى. نارەستەنىڭ تۋعان كەزدەگى سالماعى نەبارى 212 گرام، ال بويى 24 س م بولدى. ول مەرزىمىنەن الدەقايدا ەرتە تۋىلعان - جۇكتىلىكتىڭ 24-اپتاسىنىڭ سوڭىندا.
نارەستەنىڭ اناسى يۋي سيۋان پرەەكلامپسيا بولعان، ياعني جوعارى قان قىسىمى، ول بالا مەن انانىڭ ولىمىنە اكەلۋى مۇمكىن. قاۋىپتى جاعدايعا بايلانىستى ايەلگە مەرزىمىنەن ءتورت اي بۇرىن كەسار تىلىگى جاسالدى. انا مەن بالانىڭ جاعدايى جاقسارىپ كەلەدى. نارەستەنىڭ سالماعى قازىر 6,3 كەلىگە جەتتى.
www.24.kz
