سەرىك ساپيەۆ بوكستاعى ارمانىن ەسكە الدى
بۇل تۋرالى قازاقپارات Sports.kz سايتىنا سىلتەمە جاساپ حابارلايدى.
«جاس سپورتشى بولعاندا، ومىرىمدەگى ەڭ اسقاق ارماندارىمنىڭ ءبىرى - وليمپيادا چەمپيونى اتانۋ ەدى. مەن ءۇشىن بۇل تيتۋلعا يە بولۋ ۇلكەن قۇرمەت بولدى. وعان قوسا، ۆەل باركەر جۇلدەسىمەن ماراپاتتالدىم. وليمپيادا چەمپيونى اتانۋ ماقساتى ورىندالدى. 2012 -جىلى لوندونداعى وليمپيادا ويىندارى كەزىندە التىن مەدالعا قول جەتكىزدىم. الايدا بۇل جەڭىستەن كەيىن جاتتىقتىرۋشىلارىمنىڭ سوزدەرىنە قۇلاق اسىپ، بوكستاعى جولىمدى اياقتاۋ شەشىمىن قابىلدادىم. بۇل - وتە ماڭىزدى شەشىم ەكەنىنە قاراماستان، ءبىرىنشى كەزەكتە ءوز دەنساۋلىعىما كوڭىل ءبولۋدى ءجون كوردىم. ارينە، كەيدە ارتىما قاراپ، ىشىمنەن كاسىپقوي بوكسقا ءوتۋىم ءجون بە ەدى دەپ ويلاپ قويامىن. ءبىراق، قالاي بولعانىمەن، وتكەن كۇن مەن بۇگىنىمە ريزامىن»، - دەپ باياندادى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ The Ring-مەن اڭگىمە بارىسىندا.
