الداعى كۇندەرى قازاقستاننىڭ باسىم بولىگىندە جاڭبىر، بۇرشاق جاۋادى

نۇر-سۇلتان. قازاقپارات - قازگيدرومەت 10-12-تامىزعا ارنالعان اۋا رايى بولجامىن جاريالادى، دەپ حابارلايدى قازاقپارات.

ورتالىعى ءسىبىردىڭ باتىسىندا ورنالاسقان سيكلون جانە ونىمەن بايلانىستى فرونتالدى بولىمدەر، ەلدىڭ سولتۇستىك، ورتالىق، شىعىس جانە وڭتۇستىك- شىعىس ايماقتارىنا اسەرىن ساقتايدى. قازاقستاننىڭ سولتۇستىگىندە، ورتالىعىندا جانە شىعىسىندا كەي جەرلەردە قاتتى جاڭبىر، نايزاعاي، بۇرشاق جاۋىپ، ەكپىندى جەل سوعادى.

بۇل ايماقتارداعى تەمپەراتۋرا فونى تۇندە 8-15 گرادۋس، ال كۇندىز 17-22 گرادۋسقا دەيىن جىلى بولادى. رەسپۋبليكانىڭ قالعان اۋماعىندا كەڭ انتيسيكلون قۇرعاق جانە شۋاقتى اۋا-رايىن قامتاماسىز ەتەدى. رەسپۋبليكانىڭ باتىسى مەن وڭتۇستىك- باتىسىندا 45 گرادۋسقا دەيىن قاتتى ىستىق كۇتىلەدى.