قىرعىزستاننىڭ ەكس-پرەزيدەنتى قاتەلەرى ءۇشىن حالقىنان كەشىرىم سۇرادى
بۇرىنعى پرەزيدەنتتىڭ ايتۋىنشا، 1992 -جىلى «قۇم ءتور» بويىنشا كەلىسىمگە قول قويىلعان كۇننەن باستاپ قىرعىز تاراپى ۇلتتىق مۇددەلەرگە نۇقسان كەلتىرىپ، كوپ جەڭىلدىك جاساعان.
«مەن جىبەرگەن قاتەلەرىم ءۇشىن شىن جۇرەكتەن كەشىرىم سۇرايمىن. «قۇم ءتور» جوباسى بويىنشا قىرعىز حالقىنىڭ ءۇمىتىن اقتامادىم. ۇكىمەت تاراپىنان ءتيىستى باقىلاۋدىڭ جوعى كانادالىق ينۆەستورلارعا كەنىشتى تولىق باقىلاۋعا الۋعا مۇمكىندىك بەردى. بۇل ولارعا زور پايدا اكەلگەنىممەن، قىرعىزستان ءۇشىن ماردىمسىز ديۆيدەندتەر مەن ەكولوگيالىق پروبلەمالاردىڭ جىلدان جىلعا وسۋىنە اكەلدى«، - دەدى اقايەۆ.
ەسكە سالايىق، 2-تامىزدا قىرعىزستاننىڭ بۇرىنعى پرەزيدەنتى اسقار اقايەۆتىڭ بىشكەككە ورالعانى بەلگىلى بولدى. ول وسىعان دەيىن «قۇم ءتور»جوباسىن ىسكە اسىرۋ كەزىندە سىبايلاس جەمقورلىققا جول بەردى دەگەن كۇدىكپەن ىزدەۋدە بولعان. ول بىردەن ۇ ق ك عيماراتىنا جەتكىزىلدى، وندا ونىڭ قاتىسۋىمەن كەن ورنى بويىنشا قىلمىستىق ءىس اياسىندا قاجەتتى تەرگەۋ ارەكەتتەرى جۇرگىزىلدى.
اقايەۆ جۋرناليستەرگە بەرگەن سۇحباتىندا، ءوز ەركىمەن «قۇم ءتور»ءىسى بويىنشا كۋالىك بەرۋ ءۇشىن ءبىر اپتاعا كەلگەنىن ايتتى.
