قازاقستاندا تۇرعىن ءۇيدى ساتۋ جانە ساتىپ الۋ ازايدى

نۇر-سۇلتان. قازاقپارات - قازاقستاندا وتكەن شىلدە ايىندا تۇرعىن ءۇيدى ساتۋ- ساتىپ الۋ مامىلەلەرىنىڭ سانى ازايدى.

بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.

«2021 -جىلعى شىلدەدە تۇرعىن ءۇيدى ساتۋ-ساتىپ الۋ بويىنشا تىركەلگەن مامىلەلەر سانى 46 255 قۇرادى جانە وتكەن ايمەن سالىستىرعاندا %14,4 از بولدى»، - دەلىنگەن اقپاراتتا.

وتكەن شىلدە ايىندا تۇرعىن ءۇيدى ساتۋ-ساتىپ الۋ بويىنشا ەڭ كوپ كەلىسىم الماتى قالاسىندا جاسالعان - 6833. ودان كەيىنگى ورىنداردا نۇر-سۇلتان قالاسى (5708)، قاراعاندى وبلىسى (5361)، ماڭعىستاۋ وبلىسى (3356) جانە الماتى وبلىسى (3252) تۇر.

جالپى، بيىلعى قاڭتار- شىلدە ايلارى ارالىعىندا باسپاناعا قاتىستى بارلىعى 323693 كەلىسىم جاسالعان. بۇل وتكەن جىلدىڭ وسىنداي كەزەڭىمەن سالىستىرعاندا 2,2 ەسە كوپ.