08:02, 09 - تامىز 2021 | GMT +5
سەمەيدە شۇڭقىرعا قۇلاعان بيە مەن قۇلىن قۇتقارىلدى - ۆيدەو
سەمەي. قازاقپارات - سەمەي قالاسىنداعى ستەپنوي كەنتىندە قۇتقارۋشىلار شۇڭقىرعا قۇلاعان ەكى جىلقىنى الىپ شىقتى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، سەمەيدە قۇتقارۋشىلار شۇڭقىرعا قۇلاپ كەتكەن جىلقىلارعا كومەككە كەلدى. ستەپنوي كەنتىندە جىلقىلار شۇڭقىرعا قۇلاپ، ءوز بەتىمەن شىعا الماي قالعان. مال يەسى دە ەشتەڭە ىستەي الماعان سوڭ قۇتقارۋشىلارعا قوڭىراۋ شالىپ، كومەك سۇرادى.
«وقيعا ورنىنا №2-مامانداندىرىلعان ءورت ءسوندىرۋ ءبولىمىنىڭ قىزمەتكەرلەرى كەلىپ جەتتى. ولار الپينيستىك جابدىقتاردىڭ كومەگىمەن جىلقىلاردى بايلاپ، شۇڭقىردان الىپ شىقتى»، - دەپ حابارلادى ۆەدومستۆو وكىلدەرى.
جىلقىلارعا ەشقانداي زاقىم كەلگەن جوق. وسى رەتتە قۇتقارۋشىلار ءوڭىر جۇرتشىلىعىنا ءوز جانۋارلارىن قاراۋسىز قالدىرماۋعا كەڭەس بەرەدى.
اۆتور: تالعاتجان مۇحامەتبەك ۇلى
