الەمدە كوروناۆيرۋس ينفەكسياسىنا قاتىستى احۋال قانداي

نۇر-سۇلتان. قازاقپارات - قازاقستاندا كوروناۆيرۋستىڭ تارالۋىنا قارسى ۆەدومستۆوارالىق كوميسسيا الەمدەگى ەپيدەميولوگيالىق جاعدايعا شولۋ جاسادى، دەپ حابارلايدى قازاقپارات.

ءۇندىستاندا ءبىر كۇندە كوروناۆيرۋستان 500-گە جۋىق ادام قايتىس بولدى. COVID-19 جۇقتىرۋدىڭ تاعى 39070 جاعدايى انىقتالدى. ك ۆ ي فاكتىلەرىنىڭ جالپى سانى 31934455 جەتتى. وسى ۋاقىتقا دەيىن COVID-19 ىندەتى ەلدە 427862 ادامنىڭ ءومىرىن قيدى. قازىرگى ۋاقىتتا ءۇندىستاندا اۋرۋحانالاردىڭ قارقىندى تەراپيا پالاتالارىندا 406822 ازامات ەم قابىلداۋدا. اۋرۋ جۇقتىرعانداردىڭ 43910 ى ساۋىعىپ، اۋرۋحانادان شىعارىلدى.

تاۋلىگىنە 22866 جاڭا COVID-19 جۇقتىرۋ دەرەگى تىركەلىپ، 787 ادام قايتىس بولدى، مۇنداي مالىمەتتەردى رەسەيدىڭ كوروناۆيرۋستىڭ تارالۋىنا قارسى جەدەل شتابى جاريالادى. ەڭ كوپ فاكتىلەر ماسكەۋدە (2761)، سانكت-پەتەربۋرگتە (1907) جانە ماسكەۋ وبلىسىندا (1527) انىقتالدى.

جالپى، پاندەميا باستالعاننان بەرى رەسەيدە 6447750 COVID-19 جانە 164881 ادام قازاسى تىركەلدى. 18-قاڭتاردان باستاپ رەسەيدە COVID-19-عا قارسى اۋقىمدى ۆاكسيناتسيا جۇرگىزىلۋدە. قازىرگى ۋاقىتتا ەلدە كوروناۆيرۋسقا قارسى ءتورت ۆاكسينا تىركەلگەن: «سپۋتنيك V» ، «سپۋتنيك Light» ، «ەپيۆاككورونا» جانە «كوۆيۆاك». گۆادەلۋپا ەلدە COVID-19 جاعدايلارىنىڭ كۇرت وسۋىنە بايلانىستى ۆاكسيناتسيا قارقىنىن كۇشەيتىپ جاتىر.

فرانسۋز ارالىندا جانساقتاۋ بولىمىنە ءتۇسىپ جاتقان ناۋقاستاردىڭ كوپتىگىنەن ماتەريككە العاشقى مەديتسينالىق ەۆاكۋاتسيالاۋدى جۇزەگە اسىرۋعا تۋرا كەلدى. بۇل تۋرالى جۇمادا گۆادەلۋپا پرەفەكتۋراسى مەن ايماقتىق دەنساۋلىق ساقتاۋ اگەنتتىگىنىڭ بىرلەسكەن كومميۋنيكەسىندە ايتىلدى. ەلدە 4 كۇندە 4178 جاڭا دەرەك جانە 4 ءولىم جاعدايى تىركەلدى.

اۆستراليانىڭ جاڭا وڭتۇستىك ۋەلس شتاتى كوروناۆيرۋستىق ينفەكسيالار دەڭگەيىنىڭ تاعى ءبىر رەكوردتىق ءوسۋى تۋرالى حابارلادى: سەنبىدە 319 جاعداي تىركەلدى، 5 ادام قايتىس بولدى. وڭتۇستىك ۋەلستەگى جاعدايعا بايلانىستى اۆستراليانىڭ 3 ءىرى قالاسى بۇعاتتالدى. ەلدىڭ ەكىنشى ءىرى قالاسى بولىپ تابىلاتىن مەلبۋرن بيلىگى ىندەتتىڭ تارالۋ كوزىن تابۋعا تىرىسۋدا.

سيدنەيدەوقشاۋلاۋ رەجيمى جەتىنشى اپتاعا سوزىلدى، ءبىراق ينفەكسيا تارالۋى توقتاعان جوق. دەنساۋلىق ساقتاۋ ءمينيسترى برەد حاززارد وتانداس ازاماتتاردىڭ باسىم بولىگى سانيتارلىق شارالاردى ساقتاماعانىنا نارازىلىق ءبىلدىردى.

بانگلادەش بيلىگى قاتاڭ وقشاۋلاۋ رەجيمىن ۇزارتتى جانە اپتا سايىن 10 ميلليون ادامدى ۆاكسينالاۋ جوسپارىن جاريالادى: ەل COVID-19 ۆيرۋسىن جۇقتىرۋدىڭ كۇرت وسىمىمەن كۇرەسىپ جاتىر. ۆاكسيناتسيا ناۋقانىنا ەل بويىنشا 14 مىڭ مەديتسينالىق ورتالىقتا ونداعان مىڭ مەديتسينا قىزمەتكەرى جۇمىلدىرىلدى. COVAX باستاماسى بويىنشا ۆاكسينالار قىتاي مەن ا ق ش -تان جەتكىزىلدى.