توكيو وليمپياداسى رەسمي تۇردە جابىلدى
سالتاناتتى شارانى كوروناۆيرۋس پاندەمياسىنىڭ قاتاڭ شەكتەۋلەرىنە بايلانىستى جانكۇيەرلەر تاماشالاي العان جوق. جابىلۋ سالتاناتىندا جاپونيانىڭ ءانۇرانى ورىندالىپ، مەملەكەتتىك تۋى جوعارى كوتەرىلدى. سپورتشىلار شەرۋىن گرەكيا قۇراماسى باستاپ شىقسا، ونى جاپونيا قۇراماسى قورىتىندىلادى.
سالتاناتتى شەرۋ بارىسىندا ەلىمىزدىڭ تۋىن بوكستان توكيو وليمپياداسىنىڭ قولا جۇلدەگەرى قامشىبەك قوڭقابايەۆ ۇستاپ شىقتى. وليمپيادا الاۋى ءسوندىرىلىپ، ەكى اپتادان استام ۋاقىتقا سوزىلعان ايتۋلى شارا سالتاناتتى تۇردە جابىلدى.
ەسكە سالا كەتەيىك، وليمپيادانىڭ اشىلۋ سالتاناتىنا ارنايى شاقىرتىلعان الەمنىڭ 15 مەملەكەتىنىڭ جانە حالىقارالىق ۇيىمدار باسشىلارىن قوسا ەسەپتەگەندە 950 قۇرمەتتى قوناق قاتىستى. ەسكە سالساق، ءدۇبىرلى دوداعا قازاقستان اتىنان 97 سپورتشى سپورتتىڭ 28 تۇرىنەن باق سىنادى. قازاقستان ۇلتتىق وليمپيادالىق كوميتەتى ايتۋلى الامانعا باراتىن ءتىزىمدى ىرىكتەۋ جانە رەيتينگ جارىستارى اياقتالعاننان كەيىن شىعاردى.
بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىندى. وليمپيادا باعدارلاماسىنا بەيسبول/سوفتبول، كاراتە، سەرفينگ، سپورتتىق قۇزعا ورمەلەۋ جانە سكەيتبوردينگ سەكىلدى سپورتتىڭ بەس ءتۇرى ەنگىزىلگەن. ايتۋلى الامانعا جۇمىر جەر بەتىندەگى 206 مەملەكەتتەن 11 مىڭنان استام سپورتشى قاتىستى. جارىسقا قاتىسۋشىلاردىڭ تەڭ جارتىسىنا جۋىعى ايەلدەر بولدى.
ەسكە سالساق، ءدۇبىرلى دوداعا قازاقستان اتىنان 97 سپورتشى سپورتتىڭ 28 تۇرىنەن باق سىنادى. قازاقستان سپورتشىلارى سەگىز قولا مەدال الدى. ولاردىڭ قاتارىندا دزيۋدوشى ەلدوس سمەتوۆ، اۋىر اتلەتتەر يگور سون مەن زۋلفيا چينشانلو، بوكسشىلار قامشىبەك قوڭقابايەۆ، ساكەن بيبوسىنوۆ، پالۋان نۇريسلام سانايەۆ پەن كاراتەشى دارحان ءاسادىلوۆ پەن سوفيا بەرۋلتسيەۆا بار.
مەدالدار كەستەسى جونىنەن قورىتىندى كوماندالىق ەسەپتە قازاقستان قۇراماسى 83-ورىنعا تۇراقتادى. ال توكيو وليمپياداسىندا 39 التىن، 41 كۇمىس، 33 قولا (113 مەدال) العان ا ق ش قۇراماسى ءبىرىنشى ورىن ەنشىلەدى. ال ودان كەيىنگى ورىندارداعى قىتايدىڭ 38 التىن، 32 كۇمىس، 18 قولا (88 مەدال)، جاپونيانىڭ 27 التىن، 14 كۇمىس، 17 قولا (58 مەدال) جۇلدەسى بار. وليمپيادا جالاۋى الداعى جازعى وليمپيادا ويىندارىنىڭ قوجايىنى فرانسياعا تابىس ەتىلەدى.
ايتا كەتەيىك، الداعى فرانتيا استاناسى پاريج قالاسىندا 2024 -جىلدىڭ 27-شىلدەسى مەن 11-تامىز ارالىعىندا وتكىزىلەدى دەپ جوسپارلانىپ وتىر.
