توكيو وليمپياداسى: كاراتەشى دانيار يۋلداشەۆ جۇلدەسىز قالدى

توكيو. قازاقپارات - قازاقستاندىق كاراتەشى دانيار يۋلداشەۆ توكيو وليمپياداسىنىڭ جارتىلاي فينالىنا شىعا المادى، - دەپ حابارلايدى قازاقپارات ءتىلشىسى.

75 كەلىدەن جوعارى سالماقتا سىنعا تۇسكەن يۋلداشەۆ العاشقى جەكپە-جەگىندە گەرمانيالىق يوناتان حورنەمەن تەڭ ءتۇستى - 4:4. ءبىراق كەيىن جاپون ريۋتارو اراگاعا 2:4 ەسەبىمەن جول بەردى.

ءۇشىنشى كەزدەسۋىندە تۇركيالىق ۋگۋر اكتاشپەن كۇش سىناسىپ، 3:11 ەسەبىمەن جەڭىلىپ قالدى.

ال توپتىق كەزەڭنىڭ سوڭعى جەكپە-جەگىندە يۋلداشەۆ گرۋزيالىق گوگيتا اركانياعا 1:3 ەسەبىمەن ەسە جىبەردى.

وسىلايشا، دانيار يۋلداشەۆ وليمپيادانىڭ توپتىق كەزەڭىنە شىعا الماي، جۇلدە الاتىن مۇمكىندىكتەن ايىرىلدى.

بۇعان دەيىن قازاقستاندىق تاعى ءبىر كاراتەشى سوفيا بەرۋلسەۆا جارتىلاي فينالعا شىققان بولاتىن.