توكيو وليمپياداسىنا قانشا قاراجات جۇمسالدى - ۇ و ك جاۋابى
بۇل سۇراققا ق ر ۇلتتىق وليمپيادا كوميتەتى سپورت ديرەكسياسىنىڭ ديرەكتورى ەلسيار قاناعاتوۆ جاۋاپ بەردى، دەپ حابارلايدى قازاقپارات ءتىلشىسى.
«قارجىعا قاتىستى بارلىق اقپارات سايتتا كورسەتىلگەن. ول جەردە جالعان اقپاراتتاردا ايتىلىپ جۇرگەن ۇلكەن سوما جوق. ءبىز توكيو وليمپياداسىمەن قاتار، ازيا ويىندارىنا دا دايىندالدىق. وتكەن جىلى پاندەمياعا بايلانىستى 10,9 ميلليارد تەڭگە ءبولىندى. بيىل ەكى بىردەي الەمدىك دوداعا قاتىساتىن بولعاندىقتان 15,6 ميلليارد تەڭگە قاراستىرىلدى. ونىڭ ىشىندە سپورتشىلاردىڭ جالاقىسى، قاجەتتى قۇرال- جابدىقتار الۋ، مەديتسينالىق كومەك، جيىنداردى وتكىزۋ، ليسەنزيا ۇتىپ الۋ سايىستارىنا قاتىسۋ سەكىلدى بىرنەشە باعىت بار.
توكيوعا قازاقستاننان ۇلكەن كولەمدە دەلەگاتسيا كەتىپتى دەگەن دە سىبىس تاراپ جاتىر. كەرىسىنشە، پاندەمياعا بايلانىستى ۇيىمداستىرۋشىلار كەلۋشىلەردىڭ سانىن شەكتەدى. ءيا، ءبىزدىڭ كوميتەتتىڭ قىزمەتكەرلەرى بار، ولار وليمپيادا كەزىندە كۇنى- ءتۇنى ەڭبەك ەتىپ جاتىر. سوندىقتان كوپ ادام كەلدى دەگەندەرمەن كەلىسپەيمىن. بولىنگەن قاراجاتتى سپورتشىلارعا جەتكىزۋگە تىرىسامىز»، - دەدى ەلسيار قاناعاتوۆ و ك ق- دە ونلاين وتكەن باسپا ءسوز ءماسليحاتىندا.
سونداي- اق، كوميتەت وكىلى توكيو وليمپياداسى ساپارىنا بولىنگەن قارجىدان 300 ميلليون تەڭگە ۇنەمدەلگەنىن العا تارتتى.
اۆتور: ءالي يبرايەۆ
