19:45, 06 - تامىز 2021 | GMT +5
الەمدەگى ەڭ باي ءانشى
نۇر- سۇلتان. قازاقپارات – 33 جاستاعى امەريكاندىق ءانشى رياننا Forbes مالىمەتتەرى بويىنشا الەمدەگى ەڭ باي ءارتىس دەپ اتالدى، دەپ حابارلايدى حابار 24.
قازىرگى ۋاقىتتا رياننانىڭ بايلىعى 1,7 ميلليارد دوللارعا باعالانادى. تابىس نەگىزىنەن كاسىپكەرلىك قىزمەتپەن بايلانىستى: 2017 -جىلى قۇرىلعان كوسمەتيكالىق كومپانيا جانە ءىش كيىم شىعاراتىن كومپانيانىڭ ۇلەسى. كوسمەتيكالىق كومپانيانىڭ برەندىن جىلجىتۋدا الەۋمەتتىك جەلىلەردەگى جارنامالار ماڭىزدى ءرول اتقاردى: ءانشىنىڭ Instagram-دا 101 ميلليون جانە Twitter- دە 102 ميلليوننان استام قولداۋشىلارى بار.
2019 -جىلى رياننا مۋزىكا الەمىندەگى ەڭ باي ايەلدەر رەيتينگىندە كوشباسشىلىق ورىنعا يە بولدى. سودان كەيىن ءانشىنىڭ بايلىعى 600 ميلليون دوللارعا باعالاندى.
