س ق و- دا الاياق جۇمىرتقامەن «الاستاپ»، ايەلدىڭ ەكى التىن جۇزىگىن الىپ كەتكەن
س ق و پوليسيا دەپارتامەنتى باسپا ءسوز قىزمەتىنىڭ مالىمەتىنشە، م. جۇمابايەۆ اۋدانىنىڭ پوليسيا بولىمىنە وبلىس ورتالىعىنىڭ 68 جاستاعى تۇرعىنىنان ارىز ءتۇستى. ونىڭ ايتۋىنشا، الاياق ونى الداپ، 600 مىڭ تەڭگە تۇراتىن ەكى التىن جۇزىگىن الىپ كەتكەن.
جابىرلەنۋشى ايەلدىڭ م. جۇمابايەۆ اۋدانىنىڭ ورتالىعى بۋلايەۆتا بازاردا بۋتيگى بار. وعان بەيتانىس كەكسە ايەل بىرنەشە رەت كەلىپ، جۇمىس ورنىن الاستاپ بەرۋدى ۇسىنعان. باستاپقىدا بۇل ۇسىنىستان باس تارتقانىمەن، كەيىن جابىرلەنۋشى كەلىسىمىن بەرگەن. «ەمشى» ايەل تاۋىق جۇمىرتقاسىمەن الاستاۋ ءراسىمىن جۇرگىزىپ، كەيىن بارلىق پالە- جالا كەتۋى ءۇشىن قۇندى زات بەرۋدى سۇراعان. ونى جەكە پايدا تابۋ ماقساتىندا ەمەس، ورتەۋ ءۇشىن العانىن ايتقان. ايەل قولىنداعى ەكى التىن جۇزىگىن شەشىپ بەرىپ، قولىنا تاعى 20 مىڭ تەڭگە ۇستاتىپتى. ءبىراز ۋاقىتتان كەيىن ەسىن جيعان ول جاعدايدى باعالاپ، «ەمشىگە» قوڭىراۋ شالعان.
جاۋاپ بەرمەگەسىن پوليسياعا ارىزدانۋىنا تۋرا كەلىپتى. ماعجان جۇمابايەۆ اۋدانىنىڭ پوليتسيا ءبولىمى كريمينالدىق پوليسيا قىزمەتكەرلەرى كۇدىكتىنى ۇستادى. ول جۋىردا بۋلايەۆ قالاسىنداعى تانىسىنا كەلگەن اقمولا وبلىسىندا تۇراتىن 67 جاستاعى ايەل بولىپ شىقتى.
ساقينا تاركىلەندى. اتالعان فاكتى «الاياقتىق» بابى بويىنشا تىركەلدى. كۇدىكتى قولحاتپەن بوساتىلدى. تەرگەۋ ءجۇرىپ جاتىر.
