14:30, 06 - تامىز 2021 | GMT +5
ليونەل مەسسي قازاقستاندىق فۋتبول كلۋبىنان ۇسىنىس الدى
نۇر- سۇلتان. قازاقپارات - قازاقستاندىق پرەمەر- ليگانىڭ «تۇران» كلۋبى Instagram-داعى رەسمي پاراقشاسىندا ارگەنتينالىق شابۋىلداۋشىعا ۇسىنىس جاسادى، دەپ حابارلايدى قازاقپارات Sports.kz سايتىنا سىلتەمە جاساپ.
«لەو مەسسي، ءسىزدى تۇركى الەمىنىڭ رۋحاني استاناسى - تۇركىستانعا شاقىرامىز!» - دەلىنگەن كلۋبتىڭ جازباسىندا .
ەسكە سالا كەتەيىك، كەشە اتاقتى ارگەنتينالىقتىڭ كاتالوندىق «بارسەلونادان» كەتەتىنى راستالدى. وعان ءبىراز كلۋبتار قىزىعۋشىلىق تانىتۋدا. ولاردىڭ قاتارىندا فرانسيالىق پسج مەن اعىلشىنداردىڭ «مانچەستەر ءسيتيى» بار.
«تۇران» قپل تۋرنيرلىك كەستەسىندە 18 ۇپايمەن 12-ورىندا تۇر. ول كەستەدە سوڭعى تۇرعان «جەتىسۋدان» سەگىز ۇپاي جوعارى جيناعان. كلۋبتىڭ ۇزدىك شابۋىلداۋشىسى تەمىرلان ءامىروۆ ءتورت گول سوققان.
