د د س ۇ: انا بالاسىن كوروناۆيرۋس جۇقتىرعاننان كەيىن دە، ۆاكسينا سالدىرتقاننان كەيىن دە ەمىزە الادى

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ ساراپشىلارى ايەل COVID-19 جۇقتىرعاننان كەيىن دە، كوروناۆيرۋسقا قارسى ۆاكسينا سالدىرتقاننان كەيىن دە بالاسىن ەمىزۋىن جالعاستىرا الاتىنىنا سەندىرىپ وتىر.

سەبەبى، انا سۇتىندە ۆيرۋس تابىلماعان. بۇل تۋرالى قازاقپارات ب ۇ ۇ جاڭالىقتار سايتىنا سىلتەمە جاساپ حابارلايدى.

بۇدان بولەك، ۇيىم ماماندارى انا ءسۇتىنىڭ قۇرامىندا يممۋنداۋدان كەيىن كەرىسىنشە، بالانىڭ ۆيرۋسقا شالدىعۋىنان قورعاي الاتىن انتيدەنەلەر انىقتالعانىن اتاپ وتكەن. د د س ۇ بالا ەمىزەتىن انالاردى ەكپە سالدىرتىپ، بالا ەمىزۋىن جالعاستىرا بەرۋگە ۇندەپ وتىر.

«بارلىق ءۇش بالامدى ەمىزگەن ايەل رەتىندە انا ءسۇتى، ءتىپتى COVID-19 ۆيرۋسىن جۇقتىرعان انالار ءسۇتى - نارەستەلەر ءۇشىن ەڭ جاقسى قورەك كوزى ەكەنىن ايتا الامىن. ەگەر ينفەكسياعا شالدىققان ايەل ءتيىستى ساقتىق شارالارىن قولدانسا، ول بالاسىن ەمىزۋىن جالعاستىرا بەرە الادى»، - دەيدى د د س ۇ ەۋروپالىق ايماقتىق بيۋروسىنىڭ ەلدىك ستراتەگيالار جانە دەنساۋلىق ساقتاۋ جۇيەلەرى ءبولىمىنىڭ ديرەكتورى ناتاشا اسسوپاردي- مۋسكات.

ۇيىم ساراپشىلارى COVID-19 جۇقتىرعان انالارعا بالا ەمىزۋ كەزىندە ماسكا تاعىپ، بالانى قولعا الماس بۇرىن قولدى جاقسىلاپ سابىنداپ جۋۋعا، سونداي-اق جان-جاقتى تۇراقتى تۇردە دەزينفەتسيالاۋعا كەڭەس بەرەدى. د د س ۇ- نىڭ ىشىنە پوستكەڭەستىك ەلدەر كىرىپ وتىرعان ەۋروپالىق اۋماعىندا بالا ەمىزۋ كورسەتكىشى - الەمدە ەڭ تومەن.

ەۋروپادا نارەستەلەردىڭ نەبارى 13 پايىزى عانا العاشقى التى ايىندا تەك انا سۇتىمەن قورەكتەنەدى. بۇدان باسقا، ايماقتا ۆاكسينالاۋدىڭ تولىق كۋرسىن ەرەسەك تۇرعىنداردىڭ تەك ۇشتەن ءبىر بولىگى عانا وتكەن.