قىتايدا كەيبىر وڭىرلەردە وقۋ جىلىنىڭ باستالۋى كەيىنگە قالدىرىلماق

بەيجىڭ. شينحۋا- قازاقپارات - قىتايداعى كوروناۆيرۋستى جۇقتىرۋ قاۋپى ورتاشا جانە جوعارى وڭىرلەردەگى مەكتەپتەر وقۋ جىلىنىڭ باستالۋىن كەيىنگە قالدىرادى.

بۇل تۋرالى قازاقپارات شينحۋا اگەنتتىگىنە سىلتەمە جاساپ حابارلايدى.

ءبىلىم مينيسترلىگىنىڭ وكىلى ليۋ ءپەيتسزيۋننىڭ ايتۋىنشا، COVID-19 تارالۋىنىڭ الدىن الۋ مەن باقىلاۋ الداعى سەمەستردىڭ باستى باسىمدىعى بولماق. مەكتەپ باسشىلارى مەن جەرگىلىكتى بيلىككە جاعدايدىڭ بارلىق ىقتيمال ستسەنارييلەرىنە مۇقيات دايىندالۋ جانە وقۋ جىلىنىڭ بىرتىندەپ جانە قاۋىپسىز باستالۋىن قامتاماسىز ەتۋ تاپسىرىلعان. قىتاي اۋرۋحانالارىندا كوروناۆيرۋس جۇقتىرعان 1812 ادام جاتىر، ولاردىڭ 527 ءسى سيمپتومسىز تاسىمالداۋشىلار.

شىلدە ايىنىڭ باسىنان باستاپ ەپيدەميالىق قاۋىپتىلىگى جوعارى تۇرعىن اۋداندار سانى بىردەن 159 عا دەيىن ءوستى. رەسمي تۇردە، ق ح ر 730 جەرگىلىكتى ينفەكتسيا جاعدايىن تىركەدى (ونىڭ ىشىندە 150 سيمپتومسىز). ۆيرۋستىڭ ايماقتار بويىنشا تەز تارالۋىنا بايلانىستى ۇكىمەت تۇرعىندارعا قالالار اراسىندا مۇمكىندىگىنشە از ساپار جاساۋدى ۇسىنادى، ال ەلدىڭ ءبىرقاتار ايماقتارىندا تۇرعىنداردى كوروناۆيرۋسقا اۋقىمدى تەستىلەۋ جۇرگىزىلۋدە.