ق ر پرەزيدەنتى نيكول پاشينياندى ارمەنيا پرەمەرى لاۋازىمىنا تاعايىندالۋىمەن قۇتتىقتادى

نۇر- سۇلتان. قازاقپارات - پرەزيدەنت قاسىم- جومارت توقايەۆ نيكول پاشينياندى ارمەنيا رەسپۋبليكاسىنىڭ پرەمەر- ءمينيسترى لاۋازىمىنا تاعايىندالۋىمەن قۇتتىقتادى. قازاقپارات بۇل تۋرالى اقورداعا سىلتەمە جاساپ حابارلايدى.

- سىزگە ارتىلعان سەنىم - قوعامداعى تۇراقتىلىقتى، بىرلىك پەن كەلىسىمدى قامتاماسىز ەتۋگە، ازاماتتاردىڭ ءال- اۋقاتىن ارتتىرۋعا، ارمەنيانىڭ حالىقارالىق ارەناداعى بەدەلىن نىعايتۋعا باعىتتالعان ساياساتىڭىزدىڭ كەڭ قولداۋ تاپقانىنىڭ ايقىن كورىنىسى، - دەلىنگەن جەدەلحاتتا.

قاسىم- جومارت توقايەۆ نيكول پاشينياننىڭ اسا جاۋاپتى مەملەكەتتىك لاۋازىمداعى قىزمەتى ارمەنيانىڭ تۇراقتى دامۋى مەن ىلگەرىلەۋىنە، سونداي- اق، قازاقستانمەن اراداعى ەكىجاقتى جانە كوپجاقتى قاتىناستاردى كەڭەيتىپ، تەرەڭدەتۋگە ىقپال ەتەتىنىنە سەنىم ءبىلدىردى. مەملەكەت باسشىسى ارمەنيانىڭ پرەمەر- مينيسترىنە زور دەنساۋلىق پەن مول تابىس، دوستاس ارميان حالقىنا يگىلىكتەر مەن وركەندەۋ تىلەدى.