قىتايدا ەكىنشى جانە ءۇشىنشى بالاعا جاردەماقى تولەنەتىن بولدى
بيلىك جۋىردا وتكەن حالىق ساناعىنان كەيىن وسىنداي شەشىم شىعارىپ وتىر. ساناق ناتيجەسى بويىنشا، ايماقتا بالا تۋۋ كورسەتكىشى تومەندەگەنى انىقتالعان. سونداي اق ۇلتتىڭ قارتايۋ كورسەتكىشىنىڭ ناتيجەسى دە تۇرتكى بولعان. جاڭا زاڭ الەۋمەتتىك جەلىلەردە قىزۋ تالقىعا ءتۇستى. تۇرعىنداردىڭ ايتۋىنشا بۇل سوما تىم از. ايتۋىنشا بالاعا جۇمسالاتىن نەگىزگى شىعىن 4 جاستان باستالادى.
يان ۆەنچجۋان، دەنساۋلىق ساقتاۋ جونىندەگى مەملەكەتتىك كوميتەت دەپارتامەنتىنىڭ باسشىسى:
- وتباسىن قولداۋ ساياساتى ءتۇرلى اسپەكتىلەردى قامتيدى. ماسەلەن بوسانۋ كەزى، بالا كۇتىمى مەن ونىڭ ءبىلىم الۋىنا دا كومەك قاراستىرىلعان. ءبىز ءار وتباسىنا بالا كۇتىمىندە قولداۋ كورسەتكىمىز كەلەدى.
جەرگىلىكتى بيلىك الداعى ۋاقىتتا دا ۇكىمەت تاراپىنان كومەك كورسەتىلەتىنىن ايتىپ وتىر. اتاپ ايتقاندا، 3 جاسقا دەيىنگى سالىق جەڭىلدىگى مەن جاس وتباسىلار ءۇشىن تۇعىن ءۇي الۋ مۇمكىندىكتەرى قاراستىرىلماق. سونىمەن قاتار، ەلدە قوسىمشا بوبەكجاي- باقشالار اشىلىپ، مەكتەپتەگى ءبىلىم بەرۋ ساپاسىنا ەرەكشە كوڭىل بولىنەدى. وسىلايشا بيلىك الداعى 15 جىلدا دەموگرافيالىق ساياساتتى جاڭارتپاق نيەتتە.
www.24.kz
