ەلوردادا ءۇيدىڭ پودەزىنەن ۆەلوسيپەد ۇرلاپ كەتكەن ەر ادام ۇستالدى
«تەك بيىلعى جىلدىڭ شىلدە ايىنىڭ وزىندە سارىارقا اۋدانىنىڭ اۋماعىندا 16 ۆەلوسيپەد ۇرلاۋ فاكتىسى تىركەلگەن. بۇل وسى قىلمىس ءتۇرىنىڭ ايتارلىقتاي ارتقانىن كورسەتەدى. جىل باسىنان بەرگى ستاتيستيكاعا سايكەس اۋدان اۋماعىندا 91 ۆەلوكولىك ۇرلىعى جاسالعان. جالپى العان پوليتسەيلەر 48 ۇرلىقتىڭ بەتىن اشتى»، - دەپ اتاپ ءوتتى نۇر-سۇلتان قالالىق پ د «سارىارقا» اۋدانىنىڭ پوليتسيا باسقاراماسى باسشىسىنىڭ ورىنباسارى دۋلات جۇماعۇلوۆ.
جاقىندا پوليتسەيلەر كەزەكتى ۆەلوسيپەد ۇرىسىن ۇستادى. بەلگىسىز بىرەۋدىڭ كۇندىزگى ۋاقىتتا كۇمىسبەكوۆا كوشەسىندەگى تۇرعىن ءۇي كەشەنىندە قۇنى 65 مىڭ تەڭگە بولاتىن «پلاتو» ماركالى ۆەلوسيپەد ۇرلاعانى انىقتالدى. ەر ادام ءبىر كۇنگە پاتەر جالداپ، كەتىپ بارا جاتقان كەزدە باسپالداق الاڭىنان سىمارقانمەن بەكىتىلمەگەن ۆەلوسيپەدتى كورىپ قالىپ، ونى ۇرلاپ الىپ كەتكەن. ودان كەيىن ونى ءوتىپ بارا جاتقان ادامعا 5000 تەڭگەگە ساتىپ جىبەرگەن.
پوليتسەيلەر قىلمىس ورنىنان كۇدىكتىنى انىقتاۋعا مۇمكىندىك بەرگەن بەينەجازبانى الدى. پوليتسەيلەر ازاماتتارعا ۇرلانعان زاتتى ساتىپ العانى ءۇشىن ق ر ق ك 196-بابى (كورىنەۋ قىلمىستىق جولمەن تابىلعان مۇلىكتى يەمدەنۋ نەمەسە وتكىزۋ) بويىنشا قىلمىستىق جاۋاپكەرشىلىك كوزدەلگەنىن ەسكەرتەدى. سانكسيا 20 دان 160 ا ە ك- كە دەيىنگى مولشەردە ايىپپۇل سالۋدى نەمەسە 5 جىلعا دەيىنگى مەرزىمگە باس بوستاندىعىنان ايىرۋدى كوزدەيدى. پوليتسيا قىزمەتكەرلەرى ۇستاعان 39 جاستاعى كۇدىكتى كىناسىن مويىندادى. ق ر ق ك «ۇرلىق» بابى بويىنشا قىلمىستىق ءىس قوزعالدى. ونىڭ وسىعان ۇقساس قىلمىستارعا قاتىسى بار-جوعى انىقتالۋدا. ۆەلوسيپەد يەسىنە قايتارىلدى.
اۆتور: اياۋلىم التىنبەك
