انتاليا ورتەنىپ جاتىر - ۆيدەو

ماناۆگا. انادولى- قازاقپارات - انتاليا پروۆينسياسىنداعى ماناۆگات كۋرورتتى قالاسىندا سارسەنبىدە ورمان ورتەندى، دەپ حابارلايدى قازاقپارات انادولى اگەنتتىگىنە سىلتەمە جاساپ.

ورمانداعى ءورتتى سوندىرۋگە 12 پروۆينسيادان جىبەرىلگەن 19 تىكۇشاق، 103 ءورت ءسوندىرۋ ماشيناسى، 6 بۋلدوزەر، 1 ۇشاق جانە 412 ءورت ءسوندىرۋشى جۇمىلدىرىلعان. قويۋ تۇتىننەن 53 ادام زارداپ شەككەن. جالىننىڭ تەز تارالۋىنا قاتتى جەل ىقپال ەتتى.

شامامەن تۇسكە تامان ماناۆگاتقا جاقىن ورمان ايماعىندا شىققان ءورت ماڭىنداعى ەلدى مەكەندەرگە تارادى. ءورت سالدارىنان كەيبىر ۇيلەردى جالىن شارپىعان، جانۋارلار قىرىلدى. جاعدايدى باقىلاۋ ءۇشىن وڭىرگە اۋىل جانە ورمان شارۋاشىلىعى ءمينيسترى بەكير پاكدەميرلي كەلدى. ءورت جايىلۋ قاۋپى بار 4 اۋداننىڭ تۇرعىندارى ەۆاكۋاتسيالاندى.