09:37, 28 - شىلدە 2021 | GMT +5
قازاقستاننىڭ دزيۋدوشىلار كومانداسى توكيو وليمپياداسىن ءبىر قولا جۇلدەمەن اياقتادى
نۇر-سۇلتان. قازاقپارات - قازاقستاندىق دزيۋدوشى يسلام بوزبايەۆ توكيو وليمپياداسىندا ەكىنشى اينالىمدا جەڭىلىپ قالدى، دەپ حابارلايدى Olympic.kz.
ەرلەر اراسىندا 90 كەلىگە دەيىنگى سالماق دارەجەسىندە سىنعا تۇسكەن ول ازەربايجاندىق قارسىلاسىن ۇتا المادى. ءمامادالى مەحديەۆپەن وتكەن كەزدەسۋ قوسىمشا ۋاقىتقا (گولدەن سكور) دەيىن سوزىلدى. قوسىمشا ۋاقىتتا وتانداسىمىزدىڭ قارسىلاسى ءادىس جاساپ، «ۆازار» ۇپايىمەن يسلام بوزبايەۆتى ۇتتى. وسىلايشا، دزيۋدودان قازاقستان قۇراما كومانداسى توكيو وليمپياداسىن ءبىر قولا جۇلدەمەن اياقتادى. ەل قورجىنىنا قولا جۇلدەنى ەلدوس سمەتوۆ سالعان بولاتىن.
فوتو: جەڭىس ىسقاباي، قازاقستان ۇ و ك
