18:03, 27 - شىلدە 2021 | GMT +6
بۋرابايدا ءورت شىقتى
نۇر-سۇلتان.قازاقپارات - الەۋمەتتىك جەلىدە بۋرابايداعى ءورتتىڭ ۆيدەوسى تارادى. ت ج د مالىمەتىنشە، اۋىلشارۋاشىلىق قۇرىلىستارىنان ءورت شىققان.
اقمولا وبلىسى ت ج د باسپا ءسوز قىزمەتىنىڭ مالىمەتىنشە، 27-شىلدەدە ساعات 14:40-تا بۋراباي كەنتىندە ءورت سوندىرۋشى- قۇتقارۋشىلارعا شارۋاشىلىق قۇرىلىستارى ورتەنىپ جاتقانى تۋرالى حابارلاما تۇسكەن.
«ءورت شىققان جەرگە دەرەۋ بۋراباي اۋدانىنىڭ ءورت سوندىرۋشىلەرى جىبەرىلدى. ورتسوندىرۋشىلەردىڭ جەدەل ارەكەتتەرىنىڭ ارقاسىندا ءورت اۋىزدىقتالىپ، تۇرعىن ۇيگە ءورتتىڭ تارالۋىنا جول بەرىلمەدى»، - دەدى ت ج د وكىلى.
ءورت ساعات 15:35-تە جويىلعان. ءورت شىققان جالپى اۋماق 80 شارشى مەتر. قازا بولعاندار مەن زارداپ شەككەندەر جوق. اقمولا وبلىسىنىڭ قۇتقارۋشىلارى ءوڭىر تۇرعىندارىنان ءورت قاۋىپسىزدىگى ەرەجەلەرىن ساقتاۋدى سۇرايدى.
www.24.kz