سەمەيدە جوعارى وقۋ ورىندارىنىڭ ءبىرىنىڭ عيماراتى ورتەنىپ جاتىر
باسپا ءسوز مالىمەتتەرىنە قاراعاندا، جالىن 1987 -جىلى سالىنعان، ءۇش قاباتتى عيماراتتىڭ شامامەن 150 شارشى مەتر اۋماعىن شارپىدى. ءورت 8.05 ساعاتتا وقشاۋلاندى. وقيعا ورنىندا 50 دەن استام ءورت ءسوندىرۋشى جۇمىس ىستەپ جاتىر. ءورتتى سوندىرۋگە 14 بىرلىك تەحنيكا جۇمىلدىرىلدى. ءورت وشاعى كىتاپحانا عيماراتىندا ورنالاسقان. گاز تۇتىنىنەن قورعاۋ قىزمەتىنىڭ 4 بۋىنى جۇمىس ىستەپ جاتىر. ءورتتى تولىق سوندىرگەننەن كەيىن بولعان وقيعانىڭ سەبەبىن ش ق و ت ج د ءورت ءسوندىرۋ زەرتتەۋ سىناق زەرتحاناسىنىڭ ماماندارى انىقتايتىن بولادى. قازا بولعاندار مەن زارداپ شەككەندەر جوق.
«ءورت تۇتانعان كەزدە عيماراتتا ەشكىم بولماعان. ش ق و ت ج د ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن ەسكەرتەدى. ءورتتىڭ شىعۋىنا سەبەپ بولۋى مۇمكىن كەمشىلىكتەردى دەر كەزىندە قالىپقا كەلتىرۋ كەرەك. عيماراتتاردا جارامدى اۆتوماتتى ءورت دابىلى، العاشقى ءورت ءسوندىرۋ قۇرالدارى بولۋى ءتيىس. ءورت كەزىندە 101 نەمەسە 112 ءنومىرى بويىنشا حابارلاۋ قاجەت»، - دەلىنگەن حابارلامادا.