بالقاش اۋەجايى مەملەكەتتىك مەنشىككە بەرىلدى

بالقاش. قازاقپارات - بالقاش اۋە ايلاعى جەرگىلىكتى اكىمدىكتىڭ كوممۋنالدىق مەنشىگىنە قابىلداندى.

جاڭا مەنشىك يەسىنە بەرۋ سىيعا تارتۋ شارتى بويىنشا جۇزەگە اسىرىلدى، دەپ حابارلايدى قازاقپارات ءتىلشىسى.

بەرىلگەن نىسانداردىڭ قاتارىندا اەروۆوكزال عيماراتى، رۋلدەۋ جولى جانە پەررون بار. تولىق جاڭارتۋدان كەيىن اۋەجاي ۇلكەن ۇشاقتاردى قابىلداي الادى.

«قازاقمىس» كورپوراتسياسى ساراپتاما قورىتىندىسى بار جوبالىق-سمەتالىق قۇجاتتامانى ۇسىندى. جوبا اۋەجاي عيماراتىنا، پەررون مەن رۋلدەۋ جولىنا، سونداي-اق ارنايى كولىك قىزمەتى ءۇشىن ءۇي-جاي قۇرىلىسىنا قاتىستى. قاجەتتى سوما انىقتالدى. 2022-جىلى رەسپۋبليكالىق بيۋجەتتەن قاراجات بولىنەدى دەپ جوسپارلانۋدا.

ءوتىنىمدى راسىمدەۋ وسى جىلى باستالادى. تولىق قايتا ىسكە قوسىلعاننان كەيىن بالقاشقا 1-جانە 2-كلاستاعى (Boeing، Airbus جانە باسقالارى) ۇلكەن ۇشاقتار كەلە الادى.

اۋە كەمەلەرى رەيستەردى جىل بويى جانە تاۋلىكتىڭ كەز كەلگەن ۋاقىتىندا ورىنداي الادى. جوندەۋ كەزىندە اۋەجاي شتاتتىق رەجيمدە جۇمىس ىستەيتىن بولادى.