قىتايدىڭ ورتالىعىنداعى قالانى سۋ باسىپ قالدى - فوتو
جىڭجوۋ. شينحۋا- قازاقپارات - قىتايدىڭ جىڭجوۋ قالاسىندا نوسەر جاڭبىر سالدارىنان كولىك قاتىناسى توقتاپ، ەلەكتر قۋاتىنىڭ جۇمىسىن بۇزدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
سۋ دەڭگەيى قاتتى كوتەرىلگەندىكتەن، قالاداعى جول قوزعالىسى تەجەلدى. 80 نەن استام اۆتوبۋس مارشرۋتتارىنىڭ قوزعالىسى ۋاقىتشا توقتاتىلدى، 100 دەن استام مارشرۋت قايتا باعىتتالدى، مەترونىڭ جۇمىسى دا توقتاتىلدى.
جىڭجوۋداعى اۋەجاي 260 كەلەتىن جانە ۇشاتىن رەيستەردى توقتاتسا، جەرگىلىكتى تەمىرجول قىزمەتتەرى دە كەيبىر پويىزداردىڭ قوزعالىسىن توقتاتتى نەمەسە كەشىكتىردى.
نوسەر سالدارىنان قالانىڭ بىرنەشە تۇرعىن اۋدانى سۋسىز جانە ەلەكتر جارىعىنسىز قالدى.
