مەككەدەگى قاجىلىققا سىرتتان كەلەتىن شەتەلدىكتەر كىرگىزىلمەدى

يسلامنىڭ بەسىنشى پارىزىن ورىنداۋعا بيىل 18 بەن 65 جاس ارالىعىنداعى 60 مىڭ ادامعا رۇقسات ەتىلگەن. ولار ساۋد ارابياسىنىڭ جەرگىلىكتى ازاماتتارى مەن وسى ەلدە تۇرىپ جاتقان شەتەلدىكتەر. سىرتتان كەلۋگە ەل بيلىگى تىيىم سالعان.

مەككەدە كارانتينگە بايلانىستى قاجىلىق جاساۋشىلار وتە از بولعانىمەن جاڭالىق كوپ. قاعبا ورنالاسقان ءال- حارام مەشىتى كۇنىنە 3 رەت زارارسىزداندىرىلادى. ءزام- ءزام سۋىن روبوتتار تاراتىپ ءجۇر. سونداي- اق ءجۇرىپ تۇرۋ ءۇشىن 3 مىڭ ەلەكتر كولىگى بولىنگەن. بەتپەردە تاعۋ جانە اراقاشىقتىقتى ساقتاۋ قاتاڭ تالاپ ەتىلەدى. ءار ادامنىڭ جەكە جاينامازى بولۋى كەرەك.

مۇحاممەد نومان، پالەستينا ازاماتى:

- اللاعا شۇكىر، ومىرىمدە ءبىرىنشى رەت قاجىلىق پارىزىن وتەپ جاتىرمىن. باعىم بەس ەلى ەكەن. بۇل جەردە قازىر ءبارى باسقاشا. بارلىق جاعىنان جاقسى ۇيىمداستىرىلعان. ارافات كۇنگى امالدارىمىزدى جالعاستىرامىز.

ادامدار توپتالماس ءۇشىن ارنايى ۇيالى قوسىمشامەن باقىلاۋ جاسالادى. قاجەت كەزدە جەدەل مەديتسينالىق كومەك كورسەتۋگە جارتى مىڭداي ەرىكتى دايىن تۇر. بيلىك قاتاڭ قاۋىپسىزدىك شارالارىنا قاراماستان بىرنەشە رەت زاڭ بۇزىلعانىن ايتادى.

تالال ءال- شالحۋب، ساۋد ارابياسى ىشكى ىستەر مينيسترلىگىنىڭ قاۋىپسىزدىك جونىندەگى وكىلى:

- ارنايى رۇقسات الماعان ادامدار قاجىلىق جاساۋعا جىبەرىلمەيدى. بۇگىنگە دەيىن 147 ازامات پەن تۇرعىن قاسيەتتى ورىندارعا بارۋعا ارەكەتتەنگەن.

ساۋد ارابياسىنىڭ بيۋدجەتىنە قاجىلىقتان جىل سايىن 12 ميلليارد دوللار قۇيىلاتىن. سوڭعى 2 جىلدا كەلۋشىلەر سانى كۇرت قىسقاردى. بۇگىن 60 مىڭ ادام ارافات تاۋىنا بارىپ، ءتاۋ ەتۋى ءتيىس.

www.24.kz