19:42, 19 - شىلدە 2021 | GMT +6
پرەزيدەنت رۋحيا بايدۇكەنوۆانى «سلاۆيانسكي بازار» بايقاۋىنداعى جەڭىسىمەن قۇتتىقتادى
نۇر-سۇلتان. قازاقپارات - پرەزيدەنت قاسىم-جومارت توقايەۆ دارىندى جاس ءانشى رۋحيا بايدۇكەنوۆانى بەلارۋس رەسپۋبليكاسىنىڭ ۆيتەبسك قالاسىندا وتكەن «سلاۆيانسكي بازار» بايقاۋىنداعى سەنىمدى جەڭىسىمەن قۇتتىقتادى.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا حابارلادى.
- الەمنىڭ كوپتەگەن ەلىنىڭ كىل مىقتى تالانتتارى قاتىسقان وسىناۋ ايتۋلى بايقاۋدا كورسەتكەن ونەرىڭىز - ءسىزدىڭ كاسىبي دارالىعىڭىزدىڭ، تابيعي دارىنىڭىز بەن ارتىستىك شەبەرلىگىڭىزدىڭ ايقىن دالەلى، - دەدى قاسىم-جومارت توقايەۆ ءوز قۇتتىقتاۋىندا.
مەملەكەت باسشىسى رۋحيا بايدۇكەنوۆانىڭ تابىستى ونەر كورسەتۋى تاۋەلسىزدىگىمىزدىڭ 30 جىلدىعى قارساڭىندا بارشا قازاقستاندىقتارعا جاساعان تاماشا تارتۋ بولدى دەپ سانايدى.
