قازاقستاندا قانشا ازامات ناركولوگيالىق ەسەپتە تۇر
نۇر-سۇلتان. قازاقپارات - 100 مىڭعا جۋىق قازاقستان ازاماتى ناركولوگيالىق ەسەپتە تىركەلگەن، دەپ حابارلايدى قازاقپارات.
بۇل تۋرالى ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ ورىنباسارى الەكسەي ميليۋك ۆەدومستۆونىڭ اقپارات الاڭىندا ايتتى.
«ۋچاسكەلىك پوليتسيا الكوگولگە تاۋەلدى تۇلعالاردى ماجبۇرلەپ ەمدەۋ بويىنشا دەنساۋلىق ساقتاۋ ورگاندارىنىڭ الدىندا ماسەلە قويۋعا قۇقىلى. بۇگىندە ناركولوگيالىق ەسەپتە 100 مىڭعا جۋىق وسىنداي ازامات تىركەلگەن. ءوزىنىڭ فۋنكسونالدىق مىندەتىنە قاراي حالىقپەن جەكە بايلانىس ورناتۋعا مىندەتتى. بۇل پوليتسيا قىزمەتىنىڭ حالىققا قولجەتىمدىگى قاعيداتىندا ەرەكشە ماڭىزعا يە. ءتىپتى اۋىلداردا ۋچاسكەلىك پوليتسيا قىزمەتكەرى ونداعى ىشكى ىستەر ورگاندارىنىڭ، كەيدە ءتىپتى مەملەكەتتىك بيلىكتىڭ جالعىز وكىلى رەتىندە جۇمىس ىستەيدى. سوندىقتان مەملەكەت باسشىسى ۋچاسكەلىك پوليتسيا قىزمەتكەرىن پوليتسيانىڭ ۇلتتىق سەرۆيستىك مودەلىندەگى نەگىزگى بۋىن رەتىندە اتاعان بولاتىن»، - دەدى الەكسەي ميليۋك.
اۆتور: ەسىمجان ناقتىباي
