جاپونيادا جوعالعان ۋگاندالىق سپورتشى ناگويا ستانسياسىنداعى كامەراعا ءتۇسىپ قالعان
توكيو. Kyodo-قازاقپارات - دۇيسەنبى كۇنى پوليتسيا بولجام بويىنشا وتكەن اپتادا باتىس جاپونيادا ءوزىنىڭ وليمپيادا الدىنداعى جاتتىقتىرۋ لاگەرىنەن ءىز-ءتۇزسىز جوعالىپ كەتكەن ۋگاندالىق سپورتشىنىڭ ءوزى بولعان جەردەن شامامەن 200 شاقىرىم جەردەگى JR Nagoya ستانسياسىنداعى كامەراعا ءتۇسىپ قالعانىن ءمالىم ەتتى.
بۇل تۋرالى قازاقپارات Kyodo اگەنتتىگىنە سىلتەمە جاساپ حابارلايدى.
وساكو پرەفەكتۋراسىنداعى يدزۋميسانوعا توقتاعان اۋىر اتلەت يۋليۋس سسەكيتولەكو جۇما كۇنى ءىز- ءتۇزسىز جوعالىپ كەتكەن. ونى قالا تۇرعىندارى مەن كومانداسى پوليتسيانىڭ كومەگىمەن ىزدەپ جاتىر. يدزۋميسانونىڭ رەسمي وكىلدەرىنىڭ ايتۋىنشا، ول «سينكانسەن» جۇيرىك پويىزىنا ناگوياعا دەيىن بيلەت العان. ال مۇنىڭ الدىندا سپورتشى جاپونيادا قالىپ جۇمىس ىستەگىسى كەلەتىنى تۋرالى جازعان حاتىن ءوزى تۇرعان قوناق ۇيدە قالدىرىپ كەتكەن.
اۆتور: ءبيبىحان سەرىكوۆا
