جانىبەك ءالىمحان ۇلى الەم چەمپيوندارىن جەكپە-جەككە شاقىردى

نۇر-سۇلتان. قازاقپارات - ورتا سالماقتاعى قازاقستاندىق بوكسشى جانىبەك ءالىمحان ۇلى ءوز ساناتىنداعى الەم چەمپيونى تيتۋلى ءۇشىن تاعى دا ايقاسۋعا دايىن ەكەنىن مالىمدەدى، دەپ حابارلايدى قازاقپارات بوكسشىنىڭ جەلىدەگى پاراقشاسىنا سىلتەمە جاساپ.

قازىرگى كەزدە ورتا سالماقتا دجەرمالل چارلو (WBC) مەن دەمەتريۋس اندرادە (WBO)، قازاقستاندىق گەننادي گولوۆكين (IBF، IBO) مەن جاپونيا وكىلى ريوتا مۋراتا (WBA Super) الەم چەمپيوندارى بولىپ سانالادى.

«چەمپيوندىق ايقاسقا تۇسكىم كەلەدى. مەن WBO رەيتينگىندە ەكىنشىمىن. مۋنگيا - رەيتينگىدەگى ءبىرىنشى ءنومىر. ولاردىڭ مەنىمەن ايقاسۋعا كەلىسپەيتىنىن بىلەمىن. ويتكەنى ولاردى نوكاۋتقا جىبەرەتىنىمدى بىلەدى. اندرادە؟ ول قايدا؟ ماعان مەنىڭ WBO نۇسقاسى بويىنشا الەم چەمپيونى تيتۋلىم كەرەك»، - دەپ جازدى Twitter- دە.

جانىبەك، ءوزىنىڭ پروموۋتەرى بوب ارۋمنىڭ، WBO پرەزيدەنتى فرانسيسكو «پاكو» ۆالكارسەلدىڭ جانە WBС باسشىسى مۋريسيو سۋلەيمەننىڭ اككاۋنتتارىن بەلگىلەپ.

ەسكە سالا كەتسەك، 27-ماۋسىم كۇنى لاس- ۆەگاستا وتكەن جۇدىرىقتاسۋدا جانىبەك WBA- نىڭ ورتاشا ديۆيزيوندا بۇرىنعى الەم چەمپيونى روم برانتتى تەحنيكالىق نوكاۋتپەن جەڭدى. ول كاسىپقوي بوكستاعى ونىنشى جەڭىسىنە قول جەتكىزدى.