الماتى وبلىسىنىڭ كەربۇلاق اۋدانىندا سەل ءجۇردى
سەلدىڭ ۆيدەوسى الەۋمەتتىك جەلىدە تارادى. الماتى وبلىسىنىڭ توتەنشە جاعدايلار دەپارتامەنتىنىڭ مالىمەتىنشە، سەل 14 -شىلدە كۇنى ساعات 16.00-دەن 17.00-گە دەيىن الماتى وبلىسى كەربۇلاق اۋدانى كوكسۋ اۋىلدىق وكرۋگىندە بولدى.
«كوكسۋ شاتقالىندا جاڭبىر مەن بۇرشاق تۇرىندەگى قاتتى جاۋىن- شاشىننىڭ سالدارىنان بالشىق اعىنى ءجۇرىپ ءوتتى. وسىعان بايلانىستى كوكسۋ ورمان شارۋاشىلىعىنىڭ ءبىرىنشى كوردونىنا اپاراتىن جول جابىلدى. ءقازىر سەل توقتادى. جول تازارتىلدى. زارداپ شەككەندەر جوق»، - دەپ حابارلادى وبلىستىق توتەنشە جاعدايلار دەپارتامەنتىنەن.
الماتى وبلىسىنىڭ توتەنشە جاعدايلار دەپارتامەنتى كۇن سايىن وبلىس اۋماعىندا وتكىنشى جاڭبىر جاۋىپ، نايزاعاي ويناپ، جەل بولاتىنى تۋرالى ەسكەرتۋ جاريالايدى.
اۆتور: الما مۇقانوۆا
