سوعىس ارداگەرى، اتى اڭىزعا اينالعان پاروۆوز- اپا ومىردەن ءوتتى
نۇر- سۇلتان. قازاقپارات - ۇلى وتان سوعىسىنىڭ ارداگەرى التىناي ەسبولاتوۆا 99 جاسىندا ومىردەن وزدى، دەپ حابارلادى Tengrinews.kz.
ول بۇكىل ەلدى پاراۆوزبەن ارالاپ شىققاندىقتان، پاروۆوز- اپا دەگەن لاقاپ اتقا يە بولعان. التىناي ەسبولاتوۆا سوڭعى بىرنەشە جىلدا الماتى وبلىسىنداعى ۇلى وتان سوعىسىنا قاتىسقان جالعىز ايەل ارداگەر بولدى. الماتى وبلىسىنىڭ اكىمى اماندىق باتالوۆ مارقۇمنىڭ وتباسىنا كوڭىل ايتتى.
مايدانعا التىناي ەسبولاتوۆا 19 جاسىندا ماشينيست- كومەكشى كۋرسىن بىتىرگەننەن كەيىن بارعان. ول ستالينگرادقا قارۋ- جاراق، تەحنيكا، ونىمدەر جىبەرىلگەن پاروۆوزدى باسقارعان. ايەل ۋكراينا، بەلارۋس، لاتۆيا، ليتۆا، پولشا ارقىلى وتەتىن جولدا پويىزدىڭ ءجيى بومبالانعانى تۋرالى ەستەلىكتەرىمەن دە بولىسكەن ەدى. التىناي اپا ۇيىنە، الماتى وبلىسىنا 1946 -جىلى عانا ورالعان. وندا ول تەمىرجولدا جۇمىس ىستەۋدى جالعاستىردى.
ەرلىگى مەن باتىلدىعى ءۇشىن التىناي ەسبولاتوۆا ءبىراز ماراپاتتارعا يە بولدى، ونىڭ ىشىندە ءى دارەجەلى وتان سوعىسى وردەنى، «ستالينگرادتى قورعاعانى ءۇشىن»، «قىرىمدى ازات ەتكەنى ءۇشىن»، «گەرمانيانى جەڭگەنى ءۇشىن» مەدالدارىن يەمدەنگەن.
