قىتايدىڭ ءبىرقاتار وڭىرىندە ۆاكسينا الماعاندار قوعامدىق ورىندارعا بارا المايدى

قىتايدىڭ شىعىسىندا ورنالاسقان ءبىرقاتار پروۆينسيانىڭ جەرگىلىكتى بيلىگى ازاماتتاردان مۇمكىندىگىنشە تەزىرەك ۆاكسينالاۋدان وتۋلەرىن تالاپ ەتەتىن قاۋلىلار جاريالادى.

بەلگىلەنگەن مەرزىمدە ۆاكسينالاۋدان وتپەگەن تۇلعالارعا قوعامدىق ورىندارعا بارۋعا تىيىم سالىنادى.

مۇنداي تالاپتار جىجياڭ جانە جيانشي پروۆينسيالارىنىڭ حالقىنا ەنگىزىلدى. ماسەلەن جىجياڭ پروۆينسياسىنىڭ نينبو قالاسىنداعى نينحاي ۋەزىنىڭ بيلىگى ۆاكسيناتسياعا قارسى كورسەتىلىمدەرى جوق 18 جاستان اسقان بۇكىل جەرگىلىكتى تۇرعىندى العاشقى ەكپەنى – 25-شىلدەگە دەيىن، ەكىنشىسىن – 25-تامىزعا دەيىن الۋعا شاقىردى.

25-شىلدەدەن باستاپ ۆاكسيناتسيادان وتپەگەن تۇلعالارعا مەديتسينالىق مەكەمەلەردىڭ ستاتسيونارلىق بولىمشەلەرىنە، قارتتار ۇيىنە، مەكتەپتەرگە، بالاباقشالارعا، ج و و-عا، كىتاپحانالارعا، مۇراجايلارعا، كورىكتى جەرلەرگە جانە باسقا ورىندارعا بارۋعا تىيىم سالىنادى.

اۆتور: اياۋلىم التىنبەك