شەتەلدەگى قانداس تالاپكەرلەرگە بولىنەتىن كۆوتا كولەمى ۇلعايدى

«شەتەلدەگى قانداس تالاپكەرلەرگە مەملەكەتتىك گرانتتان ارنايى كۆوتا بولىنەدى. ولارعا بولىنەتىن كۆوتا سانى 2 پايىزدان 4 پايىزعا ۇلعايدى. سوڭعى 3 جىلدا دايىندىق بولىمىنە 3500 گرانت ءبولىندى. وعان 3055 جاس قانداسىمىز ءتۇستى. 2020 -جىلى پاندەمياعا بايلانىستى قوردىڭ تىكەلەي ۇسىنىسىمەن جانە ق ر ءبىلىم جانە عىلىم مينيسترلىگىنىڭ قولداۋىمەن شەتەلدەگى وتانداستارىمىز ۇلتتىق ءبىرىڭعاي تەستىلەۋدى ونلاين تاپسىرۋ قۇقىعىنا يە بولدى. بيىل دا سول تاجىريبەگە سۇيەنىپ، ۇ ب ت ونلاين فورماتتا ءوتتى. ونىڭ ناتيجەسى ءالى جاريالانعان جوق»، - دەدى م. سارباسوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

مەملەكەتتىك كۆوتا اياسىندا سوڭعى 5 جىلدا 3643 تالاپكەر ۇ ب ت- دان شەكتىك بال جيناپ، جوعارعى وقۋ ورىندارىنا تۇسكەن. بارلىق شەتەلدىك ستۋدەنتتەرگە ياعني، قانداستارعا جاتاقحانا مىندەتتى تۇردە بەرىلەدى. سونىمەن قاتار كوللەدجدە وقۋ ءۇشىن دە مەملەكەت تاراپىنان % 4 كۆوتا قاراستىرىلعان. 2020 -جىلى 540 قانداسىمىز قۇجات تاپسىرىپ، ءبارى دە گرانت يەگەرى اتانعان.

«2020 -جىلدان باستاپ «وتانداستار قورى» ۇسىنىسىمەن «نازاربايەۆ ۋنيۆەرسيتەتىنە ءتۇسۋ ءۇشىن قانداستارعا اباي اتىنداعى گرانتتار بەرىلە باستادى. وعان ا ق ش، كانادا، قىتاي، وزبەكستان، موڭعوليا قاتارلى مەملەكەتتەردەن 56 ۇمىتكەر قاتىسىپ، 13- ءى گرانت يەگەرى اتاندى. قازىرگى ۋاقىتتا ولار ءبىلىم الىپ جاتىر. سونداي- اق، «وتانداستار قورى» كەاق مەن وتاندىق جوعارى وقۋ ورىندارى بىرىگىپ «وتانداستار» گرانتىن ازىرلەۋدە. بۇگىنگى تاڭدا «قاينار» ۋنيۆەرسيتەتى، «قورقىت اتا» اتىنداعى مەملەكەتتىك ۋنيۆەرسيتەتىمەن بىرلەسىپ، اتاۋلى گرانتتار ءبولۋ ماسەلەسى قارالىپ جاتىر»، - دەيدى م. سارباسوۆ.

اۆتور: ايجان سەرىكجان قىزى