«وتانداستار» قورى قاستەر مۇساحان ۇلى مەن مۇراگەر ءالىم ۇلى ىسىنە قاتىستى پىكىر ءبىلدىردى

«قاستەر مۇساحان ۇلىنا، مۇراگەر ءالىم ۇلىنا جانە قايشا اقانعا قازاقستان رەسپۋبليكاسىنىڭ ازاماتتىعى بەرىلمەيتىن بولدى. ولاردى ەندى قىتايعا قايتارا ما؟ جالپى وسىنداي ماسەلەلەر قالاي رەتتەلەدى؟»، - دەگەن سۇراق قويىلدى ورتالىق كوممۋنيكاتسيالار قىزمەتىندە م. سارباسوۆقا.

«مەن ناقتى ايتا الامىن، بۇل ازاماتتاردى قىتايعا قايتارۋ ماسەلەسى مۇلدەم قارالىپ جاتقان جوق. سەبەبى بۇل باۋىرلارىمىز «بوسقىن» مارتەبەسىن العان ەدى. بوسقىن مارتەبەسىن الىپ، قازىر جۇمىس ىستەۋگە، تۇرۋعا قۇقىلى. ءبىراق دەگەنمەن، ولار مەملەكەتتىك شەكارانى بۇزعانى ءۇشىن جاۋاپقا تارتىلعان بولاتىن. ولار تەك مەملەكەتتىك شەكارانى بۇزعانى ءۇشىن ءبىر جىلعا جازالاندى. قازىر بوسقىن مارتەبەسىنە يە. كەلەسى جىلدان باستاپ، حالىقارالىق تاجىريبەگە سايكەس ءتيىستى وزگەرىستەر ىشكى ىستەر مينيسترلىگىندە وزگەرىستەر قارالىپ جاتىر. ءبىراق كەلەسى جىلى، ەركىن ءجۇرىپ- تۇرۋىنا، ەلدەن شىعىپ نەمەسە قايتىپ كىرۋىنە جاعداي جاسالادى. قازىر مۇنىڭ بارلىعى پىسىقتالىپ جاتىر»، - دەپ ءتۇسىندىردى «وتانداستار» قورىنىڭ وكىلى.

اۆتور: ايجان سەرىكجان قىزى