استانادا جالعان پ ت ر انىقتاما جاساپ ساتقان مەديتسينا ورتالىعىنىڭ ديرەكتورى ۇستالدى
نۇر- سۇلتان. قازاقپارات - شىلدەنىڭ باسىنان بەرى نۇر- سۇلتان قالاسىندا پ ت ر تەست انىقتاماسىن جاساپ ساتۋدىڭ ەكى فاكتىسى تىركەلگەن، دەپ حابارلايدى قازاقپارات ءتىلشىسى.
ىشكى ىستەر مينيسترلىگىنىڭ باسپا ءسوز وكىلى شۇعىلا تۇرلىبەك ۆەدموستۆونىڭ اقپارات الاڭىندا وسىنداي مالىمەت بەردى.
«نۇر- سۇلتاندا پ ت ر تەستىلەۋدەن وتكەنى تۋرالى جالعان انىقتاما ساتىپ جۇرگەن تۇلعالار انىقتالدى. شىلدەنىڭ باسىنان بەرى قولدان جاسالعان انىقتاما ساتۋدىڭ 2 جاعدايى تىركەلدى. استانا ساقشىلارى مەديتسينالىق ورتالىق ديرەكتورىن ۇستادى. ول اۋرۋ جۇقتىرماعانى تۋرالى جالعان پ ت ر تەستىلەۋ انىقتاماسىن بەرۋمەن اينالىستى دەگەن كۇدىككە ءىلىنىپ وتىر. ورتالىق باسشىسىنىڭ زاڭسىز انىقتاما ءۇشىن كليەنتتەردەن 6 مىڭ تەڭگەدەن العانى انىقتالدى. قازىرگى تاڭدا پوليتسيا پ ت ر- تەستىلەۋدەن وتكەنى تۋرالى انىقتامانى زاڭسىز العان تۇلعالاردىڭ سانىن انىقتاپ جاتىر»، - دەدى ۆەدومستۆو وكىلى.
ونىڭ سوزىنە قاراعاندا، پ ت ر- تەست قۇجاتتارىن شەتەلدە وتىرىپ- اق ساتاتىن ادامدار پايدا بولعان.
«سونداي- اق، پوليتسيا قىزمەتكەرلەرى ەلدەن تىس اۋماقتا بولا تۇرىپ، ۆيرۋس جۇقتىرماعانى تۋرالى پ ت ر- تەست انىقتاماسىنىڭ ەلەكتروندى نۇسقاسىن جاساپ، 5500 تەڭگەگە ساتقان قازاقستاندىقتى انىقتادى. انىقتامالاردى «تەلەگرام» مەسسەندجەرى ارقىلى جىبەرىپ وتىرعان. اتالعان وقيعا بويىنشا قۇجات دايىنداپ ساتقانى ءۇشىن قىلمىستىق ءىس قوزعالدى. پوليتسيا وكىلدەرى مەديتسينا ورتالىقتارىن، ەمحانالار مەن پ ت ر- تەست بەكەرتتەرىن استانا تۇرعىندارىنا جالعان قۇجات بەرۋ فاكتىسىنە تەكسەرىپ جاتىر»، - دەدى شۇعىلا تۇرلىبەك.
اۆتور: ەسىمجان ناقتىباي
