ۆاكسينا العاندار اراسىنداعى ۇتىس ويىنىنىڭ جەڭىمپازدارى انىقتالدى
ۇتىس كاسىپكەر نۇرگۇل ايعوجينانىڭ Instagram-اككاۋنتىندا تىكەلەي ەفيردە ءوتتى، دەپ حابارلايدى قازاقپارات Pavlodarnews.kz-كە سىلتەمە جاساپ. COVID-19 ۆاكسيناسىن العان جەتى مىڭ پاۆلودارلىق نۇرگۇل ايعوجينا مەن ونىڭ دوستارى ۇسىنعان ەكى ۇلكەن ۇتىسقا ۇمىتكەر بولدى. جەڭىمپازداردى لوتوتروننان تالوندى كەزدەيسوق تاڭداۋ ارقىلى pretty_women_pvl پاراقشاسىندا تىكەلەي ەفيردە انىقتادى. لوتوتروننان شىققان ءبىرىنشى كۋپوننىڭ يەسى پاۆلوداردا بولعان جوق.
ال بۇل ۇتىس ويىنىنىڭ باستى شارتتارىنىڭ ءبىرى - جارتى ساعات ىشىندە جەكە كۋالىكپەن جانە ۇتىس كۋپونىنىڭ تۇبىرتەگىمەن كەلۋى ءتيىس. - لوتوتروندى قالاي بۇراتىنىمىز، كۋپونداردى قالاي الىپ، جەڭىمپازدارعا اقشانى قالاي تابىستايتىنىمىز اشىق بولۋى ءتيىس، - دەدى نۇرگۇل ايعوجينا. باسقا ەكى پاۆلودارلىق تەز كەلدى. مۋزافار الىمبايەۆ اتىنداعى مەكتەپ مۇعالىمى ەلەنا تانكوۆاعا ءبىر ميلليون تەڭگە تابىس ەتىلدى. ول 9-شىلدەدە ۆاكسينا العان.
«سپۋتنيك V» ۆاكسيناسىنىڭ العاشقى كومپونەنتىن العان ايەلدىڭ ايتۋىنشا، ول ازداپ اۋىرعان، ءبىراق قازىر ءوزىن جاقسى سەزىنەدى.
- مۇنداي ساتتىلىككە بىردەن سەنبەدىم، قالجىڭ شىعار دەپ ويلادىم، - دەيدى ايەل.
- تاكسيمەن تەز كەلىپ، اقشالاي سىيلىق الدىم. بارلىعىن ۆاكسينا الۋعا شاقىرامىن. مەنىڭ وتباسىم COVID-19-مەن اۋىردى، ءبىز بۇل اۋرۋدىڭ قانشالىقتى قاۋىپتى ەكەنىن بىلەمىز. نۇرگۇل ايعوجينا 34 جاستاعى مارات تەمىربايەۆقا دا 500 مىڭ تەڭگە تابىس ەتتى. ەر ادام «سپۋتنيك V» ەكپەسىنىڭ ءبىرىنشى كومپونەنتىن 8-شىلدەدە العان. نۇرگۇل ايعوجينا ەستافەتانى ارىپتەسى جاميلا ەرنازاروۆاعا تابىستادى. كاسىپكەر 1 ميلليون تەڭگە ۇتىس قويادى.
- مەن دە شەتتە قالماي، ءبىزدىڭ بيزنەسمەندەردىڭ چەللەندجىن قولداۋعا شەشىم قابىلدادىم، - دەدى ءجاميلا ەرنازاروۆا.
- جاڭا بايقاۋ 2021 -جىلدىڭ 12-18 -شىلدە ارالىعىندا وتەدى. ۇتىس شارتتارىن zhamilya_ernazarova Instagram-پاراقشاسىنان تابۋعا بولادى.
ەستەرىڭىزگە سالا كەتەيىك، ۆاكسينا العان پاۆلودارلىقتار اراسىندا رەستوراتور جانە شوۋمەن ايدار قۇرىمبايەۆ ۇيىمداستىرعان ۇتىستا ءبىر ميلليون تەڭگەنىڭ العاشقى يەگەرى وبلىس ورتالىعىنىڭ تۇرعىنى اناستاسيا گرينچەنكو بولدى. پيلوتتىق ۇتىس ويىنىندا ەرىكتىلەر ءتورت مىڭ كۋپون جينادى. قاتىسۋشىلاردىڭ بۇرىنعى شارتى - 12-18-شىلدە ارالىعىندا كوروناۆيرۋسقا قارسى ەگۋ جانە كۋپوندى تولتىرۋ. جەڭىمپاز 18-شىلدە كۇنى ساعات 19:00-دە انىقتالادى.
