جاھاندىق جىلىمىق قىتايداعى وسىمدىك الەمىنە قاۋىپ ءتوندىرىپ وتىر

بەيجىڭ. شينحۋا-قازاقپارات - جاھاندىق جىلىمىق جانە توپىراق ىلعالدىلىعىنىڭ تومەندەۋى قىتايداعى تابيعي وسىمدىكتەردىڭ ونىمدىلىگىن تومەندەتۋى مۇمكىن، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

بۇل تۋرالى اۋىل شارۋاشىلىعى جانە ورمان شارۋاشىلىعى مەتەورولوگيا جۋرنالىندا جاريالانعان زەرتتەۋدە ايتىلعان.

بۇل قورىتىندى ىشكى موڭعوليا اۆتونوميالىق اۋدانىنداعى دالا جانە جايىلىمدىق ايماقتاردا تەمپەراتۋرا جوعارىلاۋىنىڭ ەكوجۇيەگە جانە ونىڭ تۇراقتىلىعىنا تيگىزەتىن اسەرىن زەرتتەۋگە نەگىزدەلگەن. قىتاي عىلىم اكادەمياسى بوتانيكا ينستيتۋتىنىڭ زەرتتەۋشىلەرى كليماتتىڭ جىلىنۋىنا بايلانىستى وسىمدىكتەر ونىمدىلىگىنىڭ، اسىرەسە سوڭعى قۇرعاقشىلىق جىلدارى كۇرت تومەندەگەنىن اتاپ ءوتتى.