اۋىلدىڭ احۋالىنا باسا نازار اۋدارۋ قاجەت - مەملەكەت باسشىسى
«اۋىلدىڭ احۋالىنا باسا نازار اۋدارۋ قاجەت. مەنىڭ تاپسىرمام بويىنشا جامبىل وبلىسىندا اۋىل تۇرعىندارىنىڭ تابىسىن ارتتىرۋ جونىندەگى پيلوتتىق جوبا جۇزەگە اسىرىلدى. ناتيجەسى جامان ەمەس. اۋىل شارۋاشىلىعى ءونىمىن ءوندىرۋ 2 ەسەگە ارتتى. مال باسى 24 پايىزعا ءوستى. جۇمىسسىزدار، اتاۋلى الەۋمەتتىك كومەك الاتىندار، تىركەلمەي ءوزىن ءوزى جۇمىسپەن قامتىعاندار سانى ازايدى. ۇكىمەت بۇل جوبانىڭ اۋقىمىن كەڭەيتۋ مۇمكىندىگىن قاراستىرۋ كەرەك»، - دەدى ق ر پرەزيدەنتى ۇكىمەتتىڭ كەڭەيتىلگەن وتىرىسى بارىسىندا.
مەملەكەت باسشىسى تابىسسىز قالعان ازاماتتارىمىزدى قولداۋ ماقساتىمەن «جۇمىسپەن قامتۋ جول كارتاسى قابىلدانعانىن اتاپ ءوتتى.
«بۇل باعدارلاماعا تريلليونداپ قارجى جۇمسالدى. «جۇمىسپەن قامتۋ» جول كارتاسىن جۇزەگە اسىرۋ بارىسىندا ءبىرقاتار كەمشىلىكتەر بولدى. بۇل تۋرالى مەن وتكەن جيىندا اتاپ كورسەتتىم. سوعان قاراماستان ءبىز بيىل اكىمدەردىڭ ءوتىنىشى بويىنشا جوبانى جالعاستىرۋدى ۇيعاردىق. ۇكىمەتكە وبلىس اكىمدەرىمەن بىرلەسىپ، جوبالاردى ساپالى تۇردە جۇزەگە اسىرۋدى تاپسىرامىن. بىلتىرعى قاتەلىكتەردى قايتالاۋعا بولمايدى»، - دەدى قاسىم- جومارت توقايەۆ.
اۆتور: مارلان جيەمباي
