20:03, 09 - شىلدە 2021 | GMT +5
اۋعانستان مەن تۇرىكمەنستان شەكاراسىندا اتىس ەستىلىپ جاتىر
نۇر- سۇلتان. قازاقپارات - اۋعانستان مەن تۇرىكمەنستان شەكاراسىندا اتىس ەستىلىپ، ەلدىڭ وڭتۇستىگىندەگى كەي اۋداننان تۇرىكمەن اسكەريلەرى وتباسىلارىن ەۆاكۋاتسيالاپ جاتىر، دەپ حابارلايدى «حابار 24».
جەرگىلىكتى اقپارات قۇرالدارىنىڭ حابارلاۋىنشا، اتىس تۇرىكمەنستاننىڭ سەرحەتاباد مەكەنى مەن اۋعانستاننىڭ تۋرگۋندي اۋىلى جاعىنان ەستىلگەن. كۋاگەرلەر كەشە سەرحەتابادقا قاراي جاۋىنگەرلەرگە تولى 8 كولىك وتكەنىن كورگەن.
ايتا كەتەيىك، بۇعان دەيىن اۋعانستانننىڭ تۇرىكمەنستانمەن شەكارالاس باگديس پروۆينتسياسىندا تالىپتەر مەن ۇكىمەت كۇشتەرى اراسىندا كەسكىلەسكەن ۇرىس ءجۇرىپ جاتقانى حابارلانعان. ال بىرەر كۇن بۇرىن تۇركىمەنستان اۋعانستانمەن شەكاراداعى «اكينا» باقىلاۋ وتكىزۋ بەكەتىن جاپقان بولاتىن. سەبەبى تالىپتەر بەكەتكە جاقىن ءبىرقاتار ەلدى مەكەندى باسىپ العان.
www.24.kz