اياگوزدىكتەر «قازاقستان بارىسى» اتانعان داۋرەن نۇرالينوۆقا شاپان جاۋىپ، ات مىنگىزدى

اياگوز. قازاقپارات - «قازاقستان بارىسى» داۋرەن نۇرالينوۆ تۋىپ- وسكەن جەرى اياگوزگە كەلدى. جەرلەستەرى بالۋاندى زور قوشەمەتپەن قارسى الدى، دەپ حابارلايدى قازاقپارات ءتىلشىسى.

اياگوز ءوڭىرىنىڭ ماقتانىشى، «قازاقستان بارىسى» اتانعان جاس بالۋان داۋرەن نۇرالينوۆتى حالىق ورتالىق الاڭدا كۇتىپ الدى. اقىندار ارناۋ ايتىپ، اۋدان باسشىسى سەيىلبەك ىسقاقوۆ بالۋاننىڭ يىعىنا شاپان جاۋىپ، ات مىنگىزدى.

«اياگوز - ەجەلدەن باتىرلار ەلى. بابالاردىڭ باتىلدىق پەن قايسارلىق رۋحىن جالعاعان داۋرەن نۇرالينوۆ تەك وسى ەل مەن جەردىڭ عانا ەمەس، كۇللى قازاقستاننىڭ ماقتانىشى»، - دەپ اتاپ وتكەن اكىم سپورتشىعا اق باتاسىن بەرىپ، قوشەمەت كورسەتتى.

«اياگوز دەگەن - التىن بەسىگىم، تۋعان جەرىم. اتالارىمىزدىڭ ارۋاقتارىنا قۇران باعىشتاپ، سىزدەردىڭ باتالارىڭىزدى الايىن دەپ ارنايى كەلدىم. پەيىلدەرىڭىزگە كوپ راحمەت!. اياگوزىمىز ءارقاشان جايناي بەرسىن، باتىرلار شىعا بەرسىن»، - دەپ ريزاشىلىعىن ءبىلدىردى داۋرەن نۇرالينوۆ.

ەسكە سالا كەتەيىك، داۋرەن نۇرالينوۆ 4 -شىلدە كۇنى استانادا وتكەن «قازاقستان بارىسى» تۋرنيرىندە باس جۇلدەنى جەڭىپ العان بولاتىن.

اۆتور: سامال قابىشيەۆا