قىز- كەلىنشەكتەر قازاقستان ارمياسىندا قانداي قىزمەت اتقارىپ ءجۇر
«رەسمي دەرەك بويىنشا، قارۋلى كۇشتەردە 7000-نان استام اسكەري ايەل قىزمەت اتقارىپ ءجۇر. ونىڭ 913- ءى - وفيتسەرلەر، ونىڭ ىشىندە «پولكوۆنيك» اسكەري اتاعىنا يە بولعان 20 ادام بار»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
ونىڭ ايتۋىنشا، قارۋلى كۇشتەر قىزمەتىنىڭ بارلىق سلاسىندا ايەلدەر قىزمەت اتقارىپ ءجۇر.
«كاسىبي باعدارى ايرىقشا اسكەري ماماندىقتاردا دا قازاقستاندىق ايەلدەر جۇمىس ىستەپ كەلەدى. ايەل ۇشقىشتار، ايەل مەرگەندەر، ارنايى جاساقتا قىزمەت ەتىپ جۇرگەن ايەلدەر، باسقا دا ءتۇرلى ماماندىقتار بويىنشا دا مىندەتىن ورىنداپ جۇرگەندەر بار. ونداي ايەلدەر بارشىلىق، ارينە. ءبىراق نەگىزىنەن اسكەري ايەلدەر سالاعا قىزمەت كورسەتۋ بولىگىندە كوپ ىستەيدى. مەديتسينا، قارجىلىق قامتاماسىز ەتۋ جانە وزگە دە كومەكشى رولدەگى قىزمەتتەردە شوعىرلانعان»، - دەدى تيمۋر داندىبايەۆ.
سونداي- اق، ول اتالمىش شارادا قازاق اسكەريلەرىنىڭ اۋعانستان شەكاراسىن كۇزەتۋگە بارۋ ىقتيمالدىعى تۋرالى پىكىر بىلدىرگەن بولاتىن.
«حالىقارالىق قاۋىپسىزدىك شارالارىن قامتاماسىز ەتىپ، قولداۋ ءۇشىن قانداي دا ءبىر كونتينگەنتتى جىبەرۋ ءۇشىن بىزگە بىرنەشە شارت كەرەك. ول شارتتىڭ ءبىرى - ەكى تاراپتىڭ ءبىرى ۇجىمدىق قاۋىپسىزدىك كەلىسىمشارتى ۇيىمىنا كومەك سۇراپ جۇگىنۋى ءتيىس. ەكىنشىدەن، ۇجىمدىق قاۋىپسىزدىك كەڭەسى دەڭگەيىندە شەشىم شىعۋى قاجەت. ارينە، ول شەشىمدى ءبىزدىڭ ەلدىڭ پارلامەنتى راتيفيكاتسيالاپ، حالىقارالىق ميسسيا اتقاراتىن كونتينگەنتتىڭ جىبەرىلۋىنە رۇقسات بەرۋ كەرەك. وسى شارتتاردىڭ ءبارى ورىندالعان جاعدايدا ءبىز سايكەسىنشە ءوزىمىزدىڭ حالىقارالىق مىندەتتەرىمىزدى ورىنداۋعا دايىنبىز»، - دەدى تيمۋر داندىبايەۆ.
اۆتور: ەسىمجان ناقتىباي
