قاراعاندى وبلىسىندا الەۋمەتتىك ماڭىزى بار ازىق- تۇلىك قىمباتتادى
ماسەلەن، وتكەن جىلمەن سالىستىرعاندا قاراقۇمىق 300-دەن 405 تەڭگەگە دەيىن، قانت 158-دەن 284 تەڭگەگە دەيىن، ال سۇيىق مايدىڭ ءليترى ەكى ەسە، ياعني 325-تەن 700 تەڭگەگە دەيىن قىمباتتادى. باعاعا نەگىزىنەن پاندەميا جانە الەمدىك نارىقتاعى قىمباتشىلىق اسەر ەتەدى، دەيدى ماماندار.
دەگەنمەن، وبلىستىڭ تۇراقتاندىرۋ قورىندا 313 توننا الەۋمەتتىك ماڭىزى بار ازىق- تۇلىك تاۋارلارى ساقتالۋدا. الداعى كۇندەرى تاعى 272 توننا قانت ساتىپ الىنادى. بۇل ونىمدەر باعانى تۇراقتاندىرۋ ماقساتىندا حالىق كوپ شوعىرلانعان قالالارعا، وبلىس اۋداندارىنىڭ دۇكەندەرىنە جەتكىزىلەدى. وڭىردە كارتوپ پەن ءسابىز دە قىمباتتادى. ەگەر كارتوپتىڭ قۇنى 400 تەڭگەدەن اساتىن بولسا، قازىر ونىڭ باعاسى 190 تەڭگەگە دەيىن تومەندەدى، ويتكەنى ونى ەلدىڭ وڭتۇستىك وڭىرلەرىنەن جەتكىزە باستادى. ءسابىز باعاسى 500 تەڭگەدەن استام بولاتىن. الايدا بۇگىنگى كۇنى قۇنى 320 تەڭگەگە دەيىن تومەندەدى.
- بۇگىنگى تاڭدا باعالار وڭتۇستىك وڭىرلەردەن تاۋارلار جەتكىزىلىمىنىڭ ارتۋىنا بايلانىستى تومەندەۋدە. باعانىڭ تومەندەۋىنە اكەلەتىن باسەكەلەستىك بار. مىنە، شىلدەنىڭ ەكىنشى جارتىسىنان، 20-نان باستاپ، ءوزىمىزدىڭ تاۋار وندىرۋشىلەر ءوز ونىمدەرىن شىعارا باستايدى، - دەيدى قاراعاندى وبلىسى اۋىل شارۋاشىلىعى باسقارماسى باسشىسىنىڭ ورىنباسارى سىرىم بوشپانوۆ.
اۆتور: اگاتا مۋحامەدجانوۆا
