قازاقستاندا انا كاپيتالى ەنگىزىلە مە

نۇر-سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك كومەك ساياساتىن دامىتۋ دەپارتامەنتىنىڭ ديرەكتورى اسقار نيازوۆ انا كاپيتالىن ەنگىزۋ ماسەلەسىنە قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«حالىقارالىق تاجىريبەگە سايكەس، انا كاپيتالى ۋاقىتشا ءىس- شارا بولىپ سانالادى جانە حالىقتىڭ تابيعي كەمۋ پروتسەسىن ەڭسەرۋ ءۇشىن تۋۋدى ىنتالاندىرۋ ماقساتىندا جۇزەگە اسىرىلادى. انا كاپيتالى ءومىر بويى ءبىر رەت نەمەسە ەكى رەت سەرتيفيكات تۇرىندە بەلگىلى ءبىر ماقساتتارعا بەرىلەدى. مىسالى، بۇعان تۇرعىن ءۇي جاعدايىن جاقسارتۋ، بالالاردى تاربيەلەۋ، مۇگەدەكتىگى بار بالانى قوعامعا بەيىمدەۋ جانە بىرىكتىرۋ، انا زەينەتاقىسىنىڭ جيناقتاۋشى بولىگى جاتادى. سونىمەن قاتار، سەرتيفيكات يەلەرى ءارقاشان انا كاپيتالىن پايدالانا المايدى. مىسالى، تۇرعىن ءۇي ساتىپ الۋ ءۇشىن يپوتەكانى راسىمدەۋ كەزىندە سومانى باستاپقى جارنا رەتىندە ەنگىزۋ ءۇشىن تولەم قابىلەتتىلىگىن راستاۋ كەرەك، ال بالالاردى وقىتۋ ءۇشىن مەكتەپتى بىتىرگەنىن كۇتۋ قاجەت»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

اسقار نيازوۆتىڭ دەرەگىنشە، ەلىمىزدەگى انا مەن بالانى قولداۋدىڭ قولدانىستاعى جۇيەسى وتەلەتىن تاۋەكەلدىڭ بۇكىل ۇزاقتىعى ىشىندە جاردەماقىلاردى تولەۋدىڭ ۋاقتىلىعى مەن كەزەڭدىلىگىنە كەپىلدىك بەرەدى.

سونىمەن قاتار، بۇگىنگى تاڭدا بالا تۋۋدى ارتتىرۋ ماسەلەسى قازاقستاندا پروبلەمالىق اسپەكت بولىپ تابىلمايدى. ويتكەنى 2020 -جىلى بالا تۋۋ كوەففيسيەنتى 3,13 كە جەتتى. ال حالىقتىڭ ءوزىن- ءوزى ءوسىرۋى ءۇشىن جەتكىلىكتى دەڭگەي 2,1 بولىپ سانالادى.

اۆتور: مارلان جيەمباي