نۇر-سۇلتاندا كوروناۆيرۋس ءورشىپ بارادى
ەندى №1-كوپبەيىندى قالالىق اۋرۋحانا 9-شىلدەدەن باستاپ كوروناۆيرۋستىق ينفەكسياسى بار پاتسيەنتتەردى قابىلدايدى. وندا 600 توسەك- ورىن ورنالاستىرىلعان. بۇل شارا توسەك- ورىندارىنىڭ جەتكىلىكسىز بولۋى سەبەپتى قابىلداندى، دەپ ءتۇسىندىردى قالالىق قوعامدىق دەنساۋلىق ساقتاۋ باسقارماسى.
«وكىنىشكە وراي، ءبىز تاعى ءبىر قالالىق اۋرۋحانادا جوسپارلى گوسپيتاليزاتسيانى توقتاتۋعا، ونى كوۆيدتىك ستاتسيونارعا اينالدىرۋعا ءماجبۇر بولىپ وتىرمىز. سەبەبى ينفەكسيا جۇقتىرعاندار سانى ازايماي تۇر. بارلىق پاتسيەنت اۋىستىرىلدى. الداعى ۋاقىتتا ولاردى قالانىڭ رەسپۋبليكالىق جانە ۆەدومستۆولىق كلينيكالارىنا جىبەرەمىز»، - دەپ ءتۇسىندىردى قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
وسىلايشا قالا تۇرعىندارىن اۋرۋحاناعا جاتقىزۋ ستاتسيونارلاردىڭ كەزەكشىلىگىنە سايكەس جۇرگىزىلەدى. سونداي- اق، گينەكولوگيادان بولەك، تاۋلىك بويى جانە كۇندىزگى ستاتسيونارعا جوسپارلى جاتقىزۋدى №2 كوپبەيىندى قالالىق اۋرۋحانا دا ۋاقىتشا توقتاتادى. وتكەن جازدا №1-كوپبەيىندى قالالىق اۋرۋحانا ك ۆ ي ناۋقاستارىن ەمدەيتىن ستاتسيونارعا اۋىستىرىلعان بولاتىن. ال تامىز ايىنىڭ سوڭىندا كوروناۆيرۋس ينفەكسياسى بار سوڭعى ناۋقاس شىعارىلعان سوڭ بۇرىنعى پروفيلدىك جۇمىسىنا قايتا كىرىسكەن.
«ەپيدەميولوگيالىق جاعداي ناشارلاپ بارادى. سوڭعى اپتادا ءبىز ءۇش اۋرۋحانانى ينفەكسيالىق ستاتسيونارعا اۋىستىردىق. قالاداعى ەپيدەميولوگيالىق جاعداي تۋرالى تۇرعىنداردىڭ ينفەكسيا جويىلدى، كارانتيندى ۇمىتۋعا بولادى دەگەن پىكىرى بىزگە اۋىر تيەدى. ەلوردا ناۋرىز ايىنان بەرى «قىزىل» ايماقتان شىقپاعانىن تاعى دا ەسكە سالىپ وتەيىن. بۇل كورسەتكىش تۇرعىندارىمىزدىڭ سانيتارلىق تالاپتاردى ساقتاۋداعى جاۋاپكەرشىلىگىنە تىكەلەي بايلانىستى»، - دەپ تۇيىندەدى ۆەدومستۆو باسشىسى.
تيمۋر مۇراتوۆ تاۋلىگىنە اۋرۋحاناعا جاتقىزىلعانداردىڭ سانى 300 ادامعا جەتكەنىن اتاپ ءوتتى. ايتۋىنشا پاتسيەنتتەر اۋىر جانە وتە اۋىر كۇيدە ءتۇسىپ جاتىر.
ەستەرىڭىزگە سالا كەتەيىك، وتكەن دەمالىس كۇندەرى ينفەكسيامەن اۋىرعانداردىڭ كوبەيۋىنە بايلانىستى قوسىمشا ەكى اۋرۋحانا ينفەكسيالىق ستاتسيونارعا اۋىستىرىلعان: قالالىق پسيحيكالىق دەنساۋلىق ورتالىعى جانە ق ر قورعانىس مينيسترلىگىنىڭ باس اسكەري كلينيكالىق گوسپيتالى. ال جالپى توسەك- ورىن سانى -300. نۇر-سۇلتان قالاسى بويىنشا 9-شىلدە كۇنى ينفەكسيالىق ستاتسيونارلاردا بارلىعى 2007 ناۋقاس بار، بۇل توسەك جۇكتەمەسىنىڭ %81 ىن قۇرايدى. ونىڭ ىشىندە 156 ادام (139 ك ۆ ي) رەانيماتسيا بولىمشەسىندە (جۇكتەمە %78)، 28 پاتسيەنت وكپەنى جاساندى جەلدەتۋ اپپاراتىندا جاتىر. بمسك ۇيىمدارىندا 7088 ناۋقاس كوروناۆيرۋستىق ينفەكسيا بويىنشا ەم الۋدا.
