الەمدە تالاي قىزىق بار: ءسىز بىلمەيتىن دەرەكتەر

نۇر-سۇلتان. قازاقپارات - ماسساگەت پورتالى «الەمدە تالاي قىزىق بار» ايدارى ارقىلى الەمنىڭ ءار بۇرىشىندا، ءار تۇكپىرىندە جاسىرىنعان تالاي قىزىقتى بۇدان بۇرىن دا بولىسكەن بولاتىن.

بۇگىن تاعى دا الەمنىڭ عاجاپ قىزىقتارىن اڭگىمەلەيمىز.

♦ فرانسيادا قوقىس تازالاعىشتاردىڭ ورنىنا قارعالار جۇمىس ىستەيتىن ساياباق بار. قارعانى ۆاندەي ايماعىنداعى پيۋي-دۋ-فۋ باعىنىڭ اينالاسىندا قوقىستاردى جيناپ، ارنايى قوراپتارعا سالىپ جۇرۋگە ۇيرەتكەن؛

♦ ب ا ءا- دە تابىلعان Goniurellia tridens ماساسىنىڭ قاناتىندا شىبىننىڭ سۋرەتى بار. بۇل ماساعا ءوزىن «شىبىندار ءۇيىرى» مۇشەسى رەتىندە كورسەتىپ، باسقا جىرتقىشتاردان قورعانۋعا كومەكتەسەدى؛

♦ تۇيەقۇستىڭ جىلدامدىعى ساعاتىنا 70 شاقىرىمعا جەتەدى؛

♦ جيرافتار كۇنىنە ەكى ساعات قانا ۇيىقتايدى. ادەتتە ولار ءوز دەنەسىن جاستىق رەتىندە پايدالانادى؛

♦ فلامينگو (قىزىل قاز) قاۋىرسىندارىنىڭ ءتۇسى تابيعي تۇردە قىزعىلت ەمەس - ولار بۇل اسشايانداردى تۇتىنۋ ارقىلى وسىنداي تۇسكە بويالادى؛

♦ مەدۋزالاردا مي مەن قان تامىرى جوق؛

♦ ەگەر پوپۋلياتسيادا انالىق بولماسا، ەركەك كلوۋن-بالىق جىنىسىن وزگەرتە الادى؛

♦ اناباس - تاياز سۋدان شىعىپ، باسقا سۋ قويماسىنا جەتكەنشە وتتەگىمەن تىنىس الاتىن جالعىز بالىق.