توكيو وليمپياداسى كورەرمەنسىز وتەدى

نۇر-سۇلتان. قازاقپارات - وليمپيادا ويىندارىنىڭ ۇيىمداستىرۋشىلارى كورەرمەندەردى جاپونيانىڭ استانالىق ايماعىنداعى وليمپيادالىق ءىس-شارالارعا جىبەرمەۋ تۋرالى شەشىم قابىلدادى.

بۇل تۋرالى قازاقپارات COVID-19 تارالۋىنا جول بەرمەۋ جونىندەگى ۆاك تەلەگرام كانالىنا سىلتەمە جاساپ حابارلايدى.

اتاپ ايتقاندا، توكيودا، كاناگاۆادا، سايتامادا جانە تيبەدە كورەرمەندەردىڭ قاتىسۋىنا رۇقسات جوق.

بيلىك سونداي-اق جانكۇيەرلەردى توكيوداعى پاراليمپيادا ويىندارىنا جىبەرۋ تۋرالى شەشىمدى قازىرگى جاعدايدى باقىلاۋ ءۇشىن كەيىنگە قالدىرعانىن مالىمدەدى.

كيپر مينيسترلەر كابينەتى كوروناۆيرۋسقا قارسى جاڭا شەكتەۋلەردى بەكىتتى. ەندى ءۇي-جايداعى ادامداردىڭ ەڭ كوپ سانى SafePass-پەن(ينفەكتسيانىڭ جوقتىعىن راستايتىن ءوتۋ) 250 ادامنان نەمەسە 350 ۆاكسينالانعان ادامنان اسپاۋى كەرەك.

اشىق اۋادا SafePass-پەن 350 ادامعا نەمەسە ەكپە سالدىرعان 500 ادامعا دەيىنگى شەكتەۋلەر ەنگىزىلدى.

الەمدە پاندەميا باستالعالى كوروناۆيرۋستان قايتىس بولعاندار سانى 4 ميلليوننان استى. سونىمەن قاتار COVID-19 جۇقتىرۋدىڭ تاۋلىكتىك ءوسىمى بويىنشا انتيرەكوردىق كورسەتكىش تىركەلدى، يندونەزيادا - 38391 جاعداي، وڭتۇستىك كورەيادا - 1275 جاعداي انىقتالدى.