ۆاكسينا العاندار التى ايدان كەيىن قايتادان ەكپە سالدىرۋعا مىندەتتى مە؟
مارات شورانوۆتىڭ ايتۋىنشا، ۆاكسينا الىپ قويعان ادامداردىڭ التى ايدان كەيىن قايتا ەكپە الۋى قانشالىقتى مىندەتتى ەكەنى تۋرالى ناقتى مالىمەت ازىرگە جوق.
«دەنساۋلىق ساقتاۋ مينيسترلىگىنە التى ايدان كەيىن ريەۆاكسيناتسيا جۇرگىزۋ قاجەتتىگى تۋرالى رەسمي اقپارات تۇسكەن جوق. ءبىز تۇراقتى جۇمىس جۇرگىزىپ وتىرمىز. بارلىق ازىرلەۋشىلەرىمىزبەن بايلانىستامىز، ريەۆاكسيناتسيا تۋرالى دالەلدى، نەگىزدى تۇسىنىك ءۇشىن الەمدىك تاجىريبەنى زەردەلەپ جاتىرمىز»، - دەدى ۆيتسە-مينيستر.
ۆەدومستۆو وكىلى ناقتى اقپارات پايدا بولعان جاعدايدا مينيسترلىك قاجەتتى شارالار قابىلداپ، نۇسقاۋلىقتارعا تۇزەتۋ ەنگىزەتىن بولادى.
«بۇل، ارينە، ۆاكسينالار كولەمىن جوسپارلاۋعا اسەر ەتەدى. ءبىز بۇل ماسەلەنىڭ ماڭىزدىلىعىن ءتۇسىنىپ وتىرمىز»، - دەدى مارات شورانوۆ ورتالىق كوممۋنيكاتسيالار قىزمەتىندە.
بريفينگ بارىسىندا مارات شورانوۆ ۆاكسينا العان ادامداردىڭ ەكى اپتا وتكەن دونور بولا الاتىنىن ايتتى.
«جالپى ۆاكسينا العان ادامنىڭ دونور بولۋىنا ەشقانداي شەكتەۋ جوق. تەك ءبىر عانا شەكتەۋ بار. ەكپە العانان كەيىن ەكى اپتانىڭ ىشىندە دونور بولۋعا بولمايدى. ال جالپى عالىمداردىڭ مالىمەتى بويىنشا ونداي شەكتەۋلەر جوق»، - دەدى ۆيتسە مينيستر.
