جاۋىن، بۇرشاق، شاڭدى داۋىل - جۇماعا ارنالعان اۋا رايى
رەسپۋبليكانىڭ باسىم بولىگىندە وڭتۇستىك تسيكلوننىڭ اسەرىنەن قۇبىلمالى اۋا رايى ساقتالىپ، نايزاعايمەن جاڭبىر كۇتىلەدى.
باتىستا، سولتۇستىك-باتىستا قاتتى جاڭبىر جاۋادى. ەلىمىزدىڭ تەك قيىر سولتۇستىگىندە جاۋىن-شاشىنسىز اۋا رايى كۇتىلەدى.
رەسپۋبليكانىڭ كەي جەرلەرىندە داۋىل، بۇرشاق، جەلدىڭ كۇشەيۋى كۇتىلەدى، وڭتۇستىكتە جانە باتىستا شاڭدى داۋىل سوعادى. اقمولا وبلىسىندا جەل 15-25 م/س كۇشەيەدى، كەي جەرلەردە بۇرشاق، داۋىل كۇتىلەدى.
قوستاناي وبلىسىنىڭ كەي جەرلەرىندە بۇرشاق، داۋىل كۇتىلەدى، تۇندە كەي جەرلەردە، كۇندىز باسىم بولىگىندە جەل 15-20 م/س كۇشەيەدى، كۇندىز ەكپىنى 23-28 م/س جەتەدى.
قىزىلوردا وبلىسىندا تاڭەرتەڭ جانە كۇندىز داۋىل، شاڭدى داۋىل سوعىپ، تۇندە كەي جەرلەردە، كۇندىز باسىم بولىگىندە جەل 15-20 م/س كۇشەيەدى، كۇندىز ەكپىنى 25 م/س جەتەدى.
اتىراۋ وبلىسىنىڭ كەي جەرلەرىندە شاڭدى داۋىل كۇتىلەدى، باسىم بولىگىندە جەل 15-20 م/س كۇشەيەدى.
جامبىل، تۇركىستان، اقتوبە، باتىس قازاقستان، قاراعاندى، سولتۇستىك قازاقستان، شىعىس قازاقستان، كۇندىز پاۆلودار، الماتى وبلىستارىنىڭ كەي جەرلەرىندە جەل 15-25 م/س كۇشەيەدى، باتىس قازاقستان، قاراعاندى، تۇركىستان، ماڭعىستاۋ وبلىستارىنىڭ كەي جەرلەرىندە بۇرشاق، شاڭدى داۋىل كۇتىلەدى.
كۇندىز الماتى، جامبىل، تۇركىستان وبلىستارىندا قاتتى، كەي جەرلەرىندە وتە قاتتى ىستىق ساقتالادى.
قاراعاندى وبلىسىنىڭ وڭتۇستىگىندە قاتتى ىستىق ساقتالادى.
قىزىلوردا، تۇركىستان، ماڭعىستاۋ، اتىراۋ، جامبىل وبلىستارىنىڭ باسىم بولىگىندە، اقتوبە، قوستاناي، قاراعاندى، باتىس قازاقستان، اقمولا، الماتى وبلىستارىنىڭ كەي جەرلەرىندە ءورت قاۋپى جوعارلايدى.
