ىستىق اۋا رايى كوروناۆيرۋس اسەرىن كۇشەيتەدى

نۇر-سۇلتان. قازاقپارات - ىستىق اۋا رايى COVID-19-دىڭ اسەرىن كۇشەيتەدى جانە 60 جاستان اسقان سوزىلمالى اۋرۋلارى بار ناۋقاستارعا اۋىر اسەر ەتەدى، - دەپ حابارلايدى Tengrinews.kz ءتىلشىسى ۆاك- قا سىلتەمە جاساپ.

بەلگىلى رەسەيلىك دارىگەر دەنيس پروتسەنكو جوعارى اتموسفەرالىق تەمپەراتۋرامەن بايلانىستى اسقىنۋلار كوروناۆيرۋس جۇقتىرعان ناۋقاستار ءۇشىن، اسىرەسە ەگدە جاستاعى ادامدار ءۇشىن ايتۋلى زارداپتارعا اكەلۋى مۇمكىن دەپ مالىمدەدى.

«ىستىق اۋا رايى مەن كوروناۆرۋس جۇقتىرۋ قاتار كەلگەنى قاۋىپتى. ىستىقتىڭ سالدارىنان بولعان اسقىنۋلار اۋىر جاعدايلارعا جانە ەگدە جاستاعى ناۋقاستاردىڭ قازا بولۋىنا اكەلۋى مۇمكىن. سوندىقتان قاۋىپ فاكتورلارىن ازايتۋ ءۇشىن مىندەتتى تۇردە ۆاكسينا الۋ كەرەك»، - دەدى پروتسەنكو.

دارىگەردىڭ ايتۋىنشا، قازىرگى كەزدە ادامدار اۋرۋدىڭ ورتاشا اۋىرتپالىعىمەن تۇسۋدە، الايدا ىستىق اۋا رايى اعزانىڭ قۇرعاۋى جانە ترومبوز قاۋپىن ءتوندىرىپ، ناۋقاستاردىڭ جاعدايى كۇرت ناشارلاۋى مۇمكىن.