ەلوردادا تاعى ءبىر اۋرۋحانا كوروناۆيرۋس جۇقتىرعانداردى قابىلدايتىن بولدى
«ەلورداداعى №1-ءبىرىنشى اۋرۋحاناعا ىندەت جۇقتىرعان ناۋقاستاردى جاتقىزىپ جاتىر دەگەن اقپارات تارادى. باسقا اۋرۋمەن كەلگەندەردى وزگە ەمدەۋ مەكەمەلەرىنە جىبەرىپ جاتقانى تۋرالى مالىمەت قانشالىقتى راس»، - دەگەن ساۋال قويىلعان بولاتىن ورتالىق كوممۋنيكاتسيالار قىزمەتىندە.
«نۇر-سۇلتان قالاسىنداعى ءبىرىنشى قالالىق ەمحانا بويىنشا راسىندا سونداي جوسپار بار. قازىرگى تاڭدا قالادا 2435 توسەك ورنى بار. جاڭاعى اۋرۋحانانى قوسقاننان كەيىن كولەمى 3000 عا دەيىن كوبەيەدى. وزدەرىڭىز بىلەتىندەي، ەپيدەميولوگيالىق جاعداي قۇبىلمالى بولعاندىقتان، مۇنداي شەشىم قابىلداۋعا ءماجبۇر بولىپ وتىرمىز. جالپى باسقا ناۋقاستاردى قازىر قالالىق مەديتسينا مەكەمەلەرىنە سالا- سالا بويىنشا، بولىمشە- بولىمشەسىمەن سول جاققا بولەمىز. وسىلايشا شۇعىل جانە جوسپارلى كومەكتى ەشقانداي توقتاپايمىز. بۇل شەشىم شىنىمەن قيىن شەشىم، ءبىراق ءبىز سونداي شەشىم قابىلدادىق»، - دەگەن ۆيتسە-مينيستر اتالمىش اۋرۋحاناعا بۇعان دەيىن ءتۇسىپ قويعان ناۋقاستاردىڭ جايى نە بولاتىنىن ءتۇسىندىردى.
«اۋىر حالدە جاتقان ناۋقاستاردى تاسىمالداۋ ماسەلەسى ءبىر كۇندە شەشىلمەيتىن ماسەلە. جازىلىپ شىققانداردى ۇيلەرىنە جىبەرىپ، قالعاندارىن باسقا اۋرۋحانالارعا اۋىستىرادى»، - دەدى مارات شورانوۆ.
اۆتور: ەسىمجان ناقتىباي
